ગુજરાત માં વધતી જતી મોંઘવારી અને બેરોજગારી જનતા ત્રાહીમામ હોય બીજી બાજુ ભરતી પ્રક્રિયામાં પેપર ફૂટી જતા હોય બધા મુદા સાથે જામનગર શહેર કોંગ્રેસ સમિતિ મેદાનમાં આવી હતી. કોંગ્રેસના પ્રમુખ સહિતના આગેવાનો મહિલા કોંગ્રેસ તેમજ કોર્પોરેટરો પદયાત્રામાં જોડાયા હતા. પદયાત્રામાં કોંગ્રેસના આગેવાનો સુત્રોચ્ચારો અને હાથમાં પ્લેકાર્ડ સાથે સરકાર સામે વિરોધ નોંધાવેલ હતો. જે પદયાત્રા જામનગર જિલ્લા કાર્યલાય લીમડા લાઇનથી ડી.કે.વી. સર્કલ ખાતે દેખાવ પ્રદર્શન સાથે પૂર્ણ થઈ હતી.પદયાત્રા દરમિયાન કોંગી કાર્યકરોએ મોંઘવારી, ભ્રષ્ટાચાર, પેપર લીક કાંડ વિગેરે મુદ્દે સરકાર વિરોધી સુત્રોચ્ચાર કર્યા હતાં. લીંબડા લાઈનથી શરુ થયેલ રેલી છેક ડીકેવી કોલેજ સુધી પહોચી હતી. જ્યાં કોંગી આગેવાનોએ સ્વમીવીવેકાનંદના પુતળાને હાર તોરા કર્યા હતા. ત્યારબાદ ત્યાં સુત્રોચ્ચાર કરી સરકારની નિષ્ફળતાને ઉજાગર કરવાનો પ્રયાસ કર્યો હતો.