Xiaomi Smart TV Price in India: Xiaomiએ ભારતીય બજારમાં તેની નવી પ્રોડક્ટ્સ લોન્ચ કરી છે. કંપનીએ સ્માર્ટર લિવિંગ ઇવેન્ટમાં નવી ટીવી સીરીઝ, એર પ્યુરિફાયર, રોબોટ વેક્યુમ ક્લીનર અને ટ્રીમર લોન્ચ કર્યા છે. બ્રાન્ડે Google TV પર આધારિત નવા ટીવી લોન્ચ કર્યા છે, જે Xiaomi Smart TV X Pro સીરીઝનો ભાગ છે.
આ સીરીઝમાં, કંપનીએ ત્રણ સ્ક્રીન સાઇઝનો ઓપ્શન ઉમેર્યો છે. કંપનીના જણાવ્યા અનુસાર, નવી ટીવી સીરીઝમાં ઘણા ખાસ ફીચર્સ જોવા મળશે. કસ્ટમર્સને આ સીરીઝમાં 4K HDR ક્વોલિટી પિક્ચર મળશે. આવો જાણીએ આ સીરીઝના ટીવીની કિંમત અને વિશિષ્ટતાઓ.
Xiaomi Smart TV X Pro સિરીઝની કિંમત
કંપનીએ Xiaomi Smart TV X Pro સિરીઝને રૂપિયા 31,499ની પ્રારંભિક કિંમતે લોન્ચ કરી છે. આ સીરીઝમાં, 55-ઇંચ, 50-ઇંચ અને 43-ઇંચની સ્ક્રીન સાઇઝના ઓપ્શનો ઉપલબ્ધ હશે. 55-ઇંચ સ્ક્રીન સાઇઝવાળા વેરિઅન્ટની કિંમત 47,999 રૂપિયા છે. તમે આ ટીવીને 45,999 રૂપિયાની કિંમતે ખરીદી શકશો.
જ્યારે Xiaomi Smart TV X Pro ના 50-ઇંચ સ્ક્રીન સાઇઝ વેરિઅન્ટની કિંમત 41,999 રૂપિયા છે, જેને તમે 39,999 રૂપિયામાં ખરીદી શકો છો. આ સીરીઝમાં સૌથી નાનું ટીવી 43-ઇંચની સ્ક્રીન સાઇઝમાં આવે છે. તેની કિંમત 32,999 રૂપિયા છે, જેને તમે 31,499 રૂપિયામાં ખરીદી શકો છો. તેનું વેચાણ 19 એપ્રિલ 2023ના રોજ થશે. તમે તેને Flipkart, Mi.com અને અન્ય રિટેલ સ્ટોર્સ પરથી ખરીદી શકો છો.
સ્પેશિફિકેશન શું છે?
Xiaomi Smart TV X Pro સીરીઝમાં 4K HDR ડિસ્પ્લે ઉપલબ્ધ છે. સ્ક્રીન ડોલ્બી વિઝન આઈક્યુ અને વિવિડ પિક્ચર એન્જિન 2 સાથે આવે છે. તમને આમાં બેસ્ટ ઓડિયો એક્સપિરિયન્સ મળશે. તેમાં 40W સ્પીકર્સ ઉપલબ્ધ છે. તમે ત્રણ સ્ક્રીન સાઇઝમાં ટીવી ખરીદી શકો છો – 43-ઇંચ, 50-ઇંચ અને 55-ઇંચની સ્ક્રીન સાઇઝ.
આ ટીવી ગૂગલ ટીવી પ્લેટફોર્મ પર કામ કરે છે. આમાં, તમને હોમ સ્ક્રીન પર સ્ટ્રીમિંગ એપ્સ, લાઇવ ટીવી અને અન્ય ઓપ્શનો મળશે. તેમાં ઇન-બિલ્ટ ક્રોમકાસ્ટનો ઓપ્શન પણ છે. સીરીઝ પ્રીમિયમ દેખાવ સાથે આવે છે. આમાં એલ્યુમિનિયમ એલોય ફ્રેમનો ઉપયોગ કરવામાં આવ્યો છે.
