પેટ્રોલ-ડીઝલ પર રાહત નહીં મળે પેટ્રોલિયમ પ્રધાન હરદીપ સિંહ પૂરીએ આ નિવેદન આપતા કહ્યું કે, રાજ્ય સરકાર તેમની રીતે વેટ ઘટાડી શકે છે. પુરીએ કહ્યું કે તમામ ભાજપ શાસિત રાજ્યોએ પેટ્રોલ અને ડીઝલ પર વેટ ઘટાડ્યો છે.
કેન્દ્રીય પેટ્રોલિયમ અને પ્રાકૃતિક ગેસ મંત્રી હરદીપ સિંહ પુરીએ કહ્યું છે કે કેન્દ્ર સરકાર રાજ્યોને અપીલ કરી રહી છે કે ગ્રાહકોને રાહત આપવા માટે પેટ્રોલ અને ડીઝલ પરનો વેલ્યુ એડેડ ટેક્સ ઓછો કરે. જો કે બીજી બાજુ દેશમાં ઈંધણના ઊંચા ભાવને લઈને કેન્દ્રને ચારેબાજુ ટીકાનો સામનો કરવો પડી રહ્યો છે.
બઇજી બાજુ પ્રજાને મોંઘવારીનો માર વારંવાર પડ્યો છે. પેટ્રોલ અને ડીઝલના ભાવમાં 100 રૂપિયા થી વધુ વધારો થયો છે. કોરોના જેવી વિપરીત પરિસ્થિતિનો લોકો સામનો કરી રહ્યા છે ત્યારે મોંઘવારીનો માર લોકોને સતત મળી રહ્યો છે એક પછી એક જીવન જરૂરી ચીજવસ્તુઓના ભાવ પણ વધી રહ્યા છે.
અમદાવાદ માં પેટ્રોલ – 105.06 ડીઝલ – 99.41 પહોંચ્યા છે. જ્યારે સી.એન.જી. પણ 80 રૂપિયા આસપાસ થઈ ગયું છે.
વડોદરા માં પેટ્રોલ – 104.75/ ડીઝલ – 99.08, રાજકોટ માં પેટ્રોલ – 104.82 / ડીઝલ 99.19, સુરત માં પેટ્રોલ – 104.94 / ડીઝલ 99.03, ગાંધીનગર માં પેટ્રોલ – 105.27 / ડીઝલ 99.62 જેટલા ભાવ અત્યારે છે.
