અમદાવાદ જિલ્લાના વિવિધ વિધાનસભા મતદાર વિભાગોના ચૂંટણી અધિકારીઓ દ્વારા ઉમેદવારી પત્ર અંગે જાહેર નોટિસ
ગુજરાતમાં વિધાનસભાની સામાન્ય ચૂંટણી-2022 આગામી દિવસોમાં યોજાનાર છે. આ માટે જિલ્લા ચૂંટણી તંત્ર સુસજ્જ છે. અમદાવાદ જિલ્લામાં બીજા તબક્કામાં મતદાન યોજાવાનું છે. અમદાવાદ જિલ્લાની કુલ 21 વિધાનસભા બેઠકો પર ચૂંટણીની પ્રક્રિયા સમયાનુસાર આગળ વધી રહી છે. અમદાવાદ જિલ્લાના વિવિધ મતદાર વિભાગ માટે વિવિધ ચૂંટણી અધિકારીઓ દ્વારા ઉમેદવારીપત્ર મેળવવા, ભરવા, ચકાસવા તેમજ પરત ખેંચવાનો કાર્યક્રમ નીચે મુજબ છેઃ
(1) મતદાર વિભાગના ચૂંટણી અધિકારી સમક્ષ તા.૧૦-૧૧-૨૦૨૨ થી તા.૧૭-૧૧-૨૦૨૨ સુધી (જાહેર રજા સિવાય) સવારના ૧૧:૦૦ થી બપોરના ૦૩:૦૦ વાગ્યા વચ્ચે કોરા ઉમેદવારી પત્ર મેળવી શકાશે અને ભરાયેલ ઉમેદવારીપત્ર રજૂ કરી શકાશે. જે માટે નિયમોનુસાર આ નોટિસ પ્રસિદ્ધ કરવામાં આવેલ છે.
(2) ઉમેદવારી પત્રોની ચકાસણી તા.૧૮/૧૧/૨૦૨૨ ના રોજ સવારના ૧૧:૦૦ વાગ્યાથી ચૂંટણી અધિકારીશ્રી દ્વારા હાથ ધરવામાં આવશે.
(3) તા.૨૧/૧૧/૨૦૨૨ના બપોરના ૦૩:૦૦ કલાક પહેલા ઉમેદવારી પરત ખેંચવાની નોટિસ મતવિભાગના ચૂંટણી અધિકારી સમક્ષ રજૂ કરી શકાશે.
(4) મતદાન તા.૦૫/૧૨/૨૦૨૨ના રોજ સવારે ૦૮:૦૦થી સાંજના ૦૫:૦૦ વાગ્યા સુધી કરવાનું થશે, એવું ચૂંટણી અધિકારી તરફથી જણાવાયું છે.