પોરબંદર જીલ્લા માં પડી રહેલ વરસાદ ઉપરાંત ઉપરવાસ ના વરસાદ ના કારણે અનેક માર્ગો પર પાણી ફરી વળ્યા છે . ત્યારે કુતિયાણા નજીક સારણ નેસના પુલ પરથી મધ્ય પ્રદેશનો પરિવાર રસ્તો પસાર કરી રહ્યો હતો , ત્યારે પોતાની માતા સાથે રહેલું એક દસ માસનું બાળક પાણી વધુ હોવાને કારણે હાથમાંથી વિખૂટું પડી ગયું હતું . અને એ બાળક પાણીમાં ગરકાવ થઈ ગયું હતું . જેની જાણ થતા આ વિસ્તારના લોકોએ તાત્કાલીક બાળકની શોધખોળ હાથ ધરી હતી પોલીસ , ટી.ડી.ઓ. અને મામલતદાર સહિતની ટીમ પણ ઘટના સ્થળે દોડી ગઇ હતી . પરંતુ શોધખોળ દરમિયાન પાણીમાં ગરકાવ થયેલા બાળકનો મૃતદેહ મળી આવ્યો હતો . તો અન્ય એક બનાવ માં ગઇકાલે સાંજના સમયે રાણાવાવ તાલુકાના વાળોત્રા ગામે મીણસાર નદી પર આવેલ ચેકડેમ કમ કોઝવે પર બે અજાણ્યા માણસો બાઇક સાથે પસાર થતા હતા . ત્યારે પાણી વધારે હોવાના કારણે બે યુવાનો તણાઇ ગયા હતા.ગઇ કાલના સાંજની થી આ યુવાનો તણાયા હતા.હાલ તો ndrf ટીમ ની મદદથી શોધખોળ ચાલી રહી છે આ ઘટના લઇને મામલતદાર, પીએસઆઇ પરેશસિંહ જાદવ અને ટીડીઓ તુરંત સ્થળ પર દોડી ગયા હતા . અને સ્થાનિકો ની મદદ થી શોધખોળ હાથ ધરી છે . કલેક્ટર અશોક શર્મા એ જિલ્લા વહીવટી તંત્રના સંબંધિત અધિકારીઓને સૂચના આપી છે કે ઉપર વાસના વરસાદને કારણે જ્યાં વધારે પાણી વહેતું હોય એવા જોખમી કોઝવે તાત્કાલિક બંધ કરાવવા , જરૂર પડે પોલીસની મદદ લઈ બંદોબસ્ત પણ ગોઠવવા આદેશ આપ્યો છે
