રાજકોટમાં એક તરફ જન્માષ્ટમીનો પવિત્ર તહેવાર આવી રહ્યો છે ત્યારે બીજી તરફ બુટલેગર અને દારૂડિયા પોલીસનો જાણે ડર ન હોય તેમ દિવસે રોડ પર દારૂની મેહફીલ કરતા વિડિઓમાં નજરે ચડ્યા હતા. રાજકોટમાં જાહેરમાં દારૂ પીવો અને કાયદાનું ઉલ્લંધન કરવામાં આવે છે. શહેરના યાજ્ઞિક રોડ પર આવેલા સ્કાય મોબાઈલ પાસે એક સ્કૂટરપર બે વ્યક્તિઓ દારૂની સાંજે મહેફિલ શરૂ કરી હતી.
આ અંગેનો વિડિઓ બનાવનાર વ્યક્તિ પર પણ બંને શખ્સ દ્વારા છરી વડે જીવલેણ હુમલો કરવામાં આવ્યો હતો અને ગંભીર ઈજાઓ પહોંચાડવામાં આવી હતી. દારૂની મહેફિલનો વિડિઓ ઉતારનાર વેપારી જયશન ભાઈ કપુરીયાની ફરિયાદ પરથી પ્રનગર પોલીસે જાહેર દારૂની મહેફિલ માણનાર અને વેપારીને ઈજાગ્રસ્ત કરનાર બંને શખ્સ લાલો ભરવાડ અને વિજય નેપાળી વિરુદ્ધ મારામારી અને ગંભીર ઇજા પહોંચવાના ગુના હેઠળ કાર્યવાહી કરવામાં આવી હતી.
રાજકોટ શહેરમાં જાણે કાયદો અને વ્યવસ્થા છે જ નહીં તેમ અવાર નવાર જાહેરમાં દારૂની મહેફિલની મિજબાની કરતા લુખ્ખા અને અવરતત્વોનો ત્રાસ સિવસે દિવસે વધતો જય રહ્યો છે. મારામારી, લૂંટ, ચોરી, ભૂમાફિયા, વ્યાજ વટાવ, બુટલેગર જાણે ખુલ્લે આમ ફરે છે અને તેને કોઈનો દર નથી રહ્યો.
