અમરેલી જિલ્લામા જુગારની બદીને ડામવા પોલીસ દ્વારા કડક કાર્યવાહી કરવામા આવી રહી છે. ત્યારે પોલીસે લાઠીના નારાયણનગર અને ધારીના ઝરમાથી 12 જુગારીને ઝડપી લઇ કુલ રૂપિયા 24730નેા મુદામાલ કબજે લીધો હતો.
પોલીસે જુગારનો આ દરોડો લાઠીના નારાયણનગરમા પાડયો હતો. અહી જાહેરમા જુગાર રમી રહેલા યશ જયેશભાઇ રેણુકા, વિશાલ રસીકભાઇ રાઠોડ, અજય રણછોડભાઇ ગોહિલ, સંજય જગદીશભાઇ ડાભી નામના શખ્સોને ઝડપી લીધા હતા. પોલીસે અહીથી રોકડ, મોબાઇલ મળી કુલ રૂપિયા 22710નો મુદામાલ કબજે લીધો હતો. બનાવની વધુ તપાસ હેડ કોન્સ્ટેબલ કે.આર.સાંખટ ચલાવી રહ્યાં છે. જયારે પોલીસે જુગારનો અન્ય એક દરોડો ધારીના ઝરમા પાડયો હતો.
અહી જાહેરમા જુગાર રમી રહેલા વીનુ છનાભાઇ પાટડીયા, અતુલ અરજણભાઇ રાણાવડીયા, આસીફ ઘોહાભાઇ રાઠોડ, ભાવેશ મધુભાઇ કુવારદા, કૌશલ ગોકળભાઇ પાટડીયા, કૌશલ ગોકળભાઇ અને ચતુર ભીખાભાઇ કુવારદા તેમજ ભોળા જીણાભાઇ સાવડીયા નામના શખ્સોને ઝડપી લીધા હતા. પોલીસે અહીથી 2020ની મતા કબજે લીધી હતી. હેડ કોન્સ્ટેબલ સી.વી.ચૌહાણ આગળની તપાસ ચલાવી રહ્યાં છે.અત્રે ઉલ્લેખનીય છે કે જિલ્લામા જુગારની બદીને ડામવા પોલીસ દ્વારા કડક કાર્યવાહી કરવામા આવી રહી છે. જો કે તેમ છતા છાનેખુણે આ પ્રવૃતિ ધમધમતી જ રહે છે.
