વાંકાનેર તાલુકાની મેસરિયા ચેક પોસ્ટ નજીકથી સીએનજી રીક્ષામાં નશીલા દ્રવ્યોની હેરાફેરી કરનાર ત્રણ ઇસમોને દબોચી લઈને પોલીસની ટીમે રીક્ષા અને ગાંજાનો જથ્થો તેમજ મોબાઈલ ફોન સહિતનો મુદામાલ જપ્ત કર્યો છે
મોરબી એસઓજી ટીમ અને વાંકાનેર તાલુકા પોલીસ ટીમ સંયુક્ત પેટ્રોલીગ કરતી હોય દરમિયાન વાહન ચેકિંગ કામગીરી વેળાએ મેસરિયા ચેક પોસ્ટ પાસેથી રીક્ષા જીજે ૩૬ યુ ૬૪૧૭ વાળીમાંથી નશીલા દ્રવ્યો ગાંજાનો જથ્થ ચાર કિલોગ્રામ કીમત રૂ ૪૦,૦૦૦ મળી આવતા પોલીસે ગાંજાનો જથ્થો, રોકડ ૧૨,૫૦૦, ૨ મોબાઈલ કીમત રૂ ૬૦૦૦ અને રીક્ષા કીમત રૂ ૬૦,૦૦૦ મળીને કુલ રૂ ૧,૧૮.૫૦૦ નો મુદામાલ કબજે લીધો હતો
અને રીક્ષામાં સવાર આરોપીઓ જાદવ ઉર્ફે ભીમા રામા મુંધવા રહે વાંકાનેર અમરનાથ સોસાયટી, રાજુ રતનભાઈ શર્મા રહે લાલપર મૂળ રહે એમપી વાળો અને બળદેવ વિરમભાઇ ગમારા રહે વાંકાનેર આરોગ્યનગર એમ ત્રણ આરોપીને ઝડપી લઈને એનડીપીએસ હેઠળ કાર્યવાહી કરી વાંકાનેર સીટી પોલીસ મથકમાં આગળની કાર્યવાહી માટે આરોપીને સોપવામાં આવ્યા છે
