જિલ્લા ચૂંટણી તંત્ર દ્વારા ગ્રામ પંચાયતોની ચૂંટણી અંગેની તમામ તૈયારીઓ પૂર્ણ કરવામાં આવી છે.જિલ્લામાં કુલ ૨૭ ગ્રામ પંચાયતો સમરસ જાહેર થઇ છે. ગ્રામ પંચાયતોની ચૂંટણી માટે આજે રવાનગી કેન્દ્રો પરથી મતદાન સામગ્રી રવાના કરવામાં આવી હતી.વડોદરા જિલ્લામાં ગ્રામ પંચાયતોની ચૂંટણીનું મતદાન બેલેટ પેપરથી થશે. વડોદરા જિલ્લામાં સરપંચ માટે ૮૪૯ અને વોર્ડ સભ્ય માટે ૩૬૫૬ ઉમેદવારો ચૂંટણી મેદાનમાં છે. વડોદરા જિલ્લામાં ગ્રામ પંચાયતની સામાન્ય ચૂંટણીમાં ૫૭૬ મતદાન મથકો પર ૨,૨૧,૨૨૨ પુરુષ અને ૨,૦૭,૩૭૯ સ્ત્રી અને અન્ય એક મતદારો સહિત કુલ- ૪,૨૮,૬૦૨ મતદારો પોતાના મતાધિકારનો ઉપયોગ કરશે. વડોદરા જિલ્લામાં ગ્રામ પંચાયતોની ચૂંટણી કામગીરી માટે ૬૮ ચૂંટણી અધિકારી,૬૮ મદદનીશ ચૂંટણી અધિકારી, ૩૨૧૯ પોલિંગ સ્ટાફ અને કાયદો થતા વ્યવસ્થા જાળવવા માટે ૧૨૯૨ પોલીસ સ્ટાફની નિમણૂક કરવામાં આવી છે.ચૂંટણી માટે ૮૮૩ મત પેટીઓ ઉપયોગમાં લેવામાં આવશે. ગ્રામ પંચાયત ચૂંટણીની મત ગણતરી તા.૨૧.૧૨.૨૦૨૧ ના રોજ હાથ ધરવામાં આવશે.મત ગણતરી આઠ સ્થળોએ ૨૭ હોલમાં થશે.આ માટે ૬૬૮ મત ગણતરી સ્ટાફ, ૪૬૪ પોલીસ સ્ટાફ,૬૫ આરોગ્ય કર્મીઓ સહિત ૧૬૪ સેવકો ફરજ બજાવશે. એમ રાજ્ય ચૂંટણી આયોગના નોડલ અધિકારી અને નિવાસી અધિક કલેકટર શ્રી કુલદીપસિંહ ઝાલાએ જણાવાયું છે.
