આ વખતે ચૂંટણીમાં ખાસ કરીને વિશેષ પ્રકારની તૈયારીઓ ચૂંટણીપંચ દ્વારા કરવામાં આવી છે. આ વખતે રેડ લાઈટ એરીયામાં પણ મતદાનને લઈને સુવિધા હાથ ધરાશે આ સિવાય પણ અન્ય પ્રકારની વ્યવસ્થા કરાશે.
આ વખતે રેડ લાઈટ એરીયામાં મતદાન કર્મચારીઓ જશે. ચૂંટણી પ્રક્રિયામાં સેક્સ વર્કરોને સામેલ કરવાને લઈને તમામ તૈયારીઓ કરવામાં આવી છે. ગઈકાલે જ ચૂંટણી કમિશને ચૂંટણીમાં રેડ લાઈટ એરીયા સુધી પહોંચવાની વાત કરી હતી. ઉપરાંત વિકલાંગ, સેક્સ વર્કરો અને ટ્રાન્સજેન્ડર થકી મહત્તમ નોંધણીનો લક્ષ્યાંક નક્કી કરવામાં આવ્યો છે.
બેલેટ પરની આ છે વ્યવસ્થા
મુખ્ય ચૂંટણી કમિશનરે કહ્યું કે પોસ્ટલ બેલેટની સુવિધા વૃદ્ધો અને વિકલાંગ મતદારો માટે ઉપલબ્ધ કરાવવામાં આવશે. આ માટે ચૂંટણી વિભાગના અધિકારીઓ આવા વિકલાંગ અને વૃદ્ધોના ઘરે ઘરે જઈને તેમની પાસેથી પોસ્ટલ બેલેટ લેશે. પ્રક્રિયામાં નિષ્પક્ષતા સુનિશ્ચિત કરવા માટે સમગ્ર પ્રક્રિયાની વીડિયોગ્રાફી કરવામાં આવશે.
આ પ્રકારની બેઝીક સુવિધા કરાશે ઉપલબ્ધ
તમામ મતદાન મથકો પર પીવાનું પાણી, રેમ્પ, શૌચાલય, વેઇટિંગ રૂમ જેવી સુવિધાઓ આપવામાં આવશે, તમામ મતદાન મથકો ગ્રાઉન્ડ ફ્લોર પર હશે. નવો પ્રયોગ એ પણ કરવામાં આવ્યો છે. જેમાં દરેક મતદાન મથક પર વિશેષ નિરીક્ષકો તહેનાત કરવામાં આવશે અને વરિષ્ઠ નાગરિકો, વિકલાંગો વગેરે માટેની વિશેષ સુવિધાઓની દેખરેખ રાખશે. તેની પાછળનો હેતુ લોકોને મતદાનમાં પડતી મુશ્કેલીઓ ઘટાડવાનો છે.