અમદાવાદમાં સેન્સ પ્રક્રીયામાં આજે ઘાટલોડિયા બેઠક પરથી માત્ર એક જ નામ સામે આવ્યું હતું. તમામ નેતાઓએ ભૂપેન્દ્ર પટેલનું નામ લીધું છે. અગાઉ 2017માં તેઓ અહીંથી ચૂંટણી લડી ચૂક્યા છે ત્યારે આ વખતે પણ તેમનું નામ સૌ કોઈએ સૂચવ્યું હતું.
આગામી વિધાનસભાની ચૂંટણી માટે ભાજપે તમામ મોરચે વિવિધ પ્રક્રીયા હાથ ધરી છે. ત્યારે આજે અમદાવાદમાં સેન્સ પ્રક્રીયા હાથ ધરવામાં આવી હતી. આજથી ગુજરાતની તમામ બેઠકો પર સેન્સ લેવાની પ્રક્રિયા શરૂ કરી દેવામાં આવી છે. કેટલીક બેઠકો પર 15 થી 20 ટિકિટ વાંચ્છુઓ આગળ આવ્યા હતા. તો કેટલીક બેઠકો પર તેનાથી પણ વધુ ટિકિટ વાચ્છુકો સામે આવ્યા હતા.
તમામ નેતાઓએ ઘાટલોડિયા વિધાનસભાની બેઠક પરથી ભૂપેન્દ્ર પટેલનું નામ સૂચવ્યું છે. ઘાટલોડિયા બેઠક માટે આજે સેન્સની પ્રક્રિયા પૂર્ણ થઈ હતી. મુખ્યપ્રધાન ભૂપેન્દ્ર પટેલ માટે સર્વાનુમતે પ્રસ્તાવ મૂકવામાં આવ્યો હતો. ઘાટલોડિયા બેઠક પરથી માત્ર એક જ નામ સામે આવ્યું છે. તમામ નેતાઓએ ભૂપેન્દ્ર પટેલનું નામ લીધું છે.
મુખ્યમંત્રી ભૂપેન્દ્ર પટેલની ઘાટલોડિયા બેઠક પર સૌ કૌઈની નજર છે. ત્યારે આ બેઠક પર મુખ્યમંત્રીનું એકનું જ નામ સામે આવ્યું હતું. અમદાવાદની વિધાનસભા બેઠકો પર આજે સવારથી જ સેન્સની પ્રક્રીયા હાથ ધરવામાં આવી હતી.