રાજકોટમાં રહેતા ૩૦ વર્ષીય પરપ્રાંતિએ ટ્રક નીચે આવી કરી આત્મહત્યા. આ બનાવમાં સીસીટીવી ફૂટેજ વાઇરલ થતાં પોલીસે આત્મહત્યા કરનાર પરપ્રાંતિય યુવકના પરિવારની શોધખોળ હાથ ધરી છે. મળતી વિગત અનુસાર રાજકોટ શહેરના ગ્રીનલેન્ડ પાસે ચાલુ ટ્રક નીચે પડતું મૂકી નીલમ નામના ૩૦ વર્ષીય પરપ્રાંતીય યુવાને આપઘાત કાર્યો હોવાનું સામે આવ્યું છે. જે ઘટનાના સીસીટીવી ફૂટેજ પણ વાઇરલ થયા છે. પોલીસે મૃતદેહને પોસમોર્ટમ અર્થે ખસેડી પરિવાર માટેની શોધખોળ હાથ ધરી છે. ગ્રીનલેન્ડ ચોકડી નજીક યુવકે ધીમી ગતિએ ચાલી રહેલા હેવી ટ્રક નીચે અચાનક પડતું મૂકી જિંદગી ટૂંકાવી છે. જે ઘટનાના સીસીટીવી ફૂટેજ વાયરલ થતા ચકચાર મચી જવા પામી છે. રાજકોટ ગ્રીનલેન્ડ ચોક પાસે ટ્રકના વ્હીલ નીચે આવી જતા યુવાનનું મોત નિપજ્યાની માહિતી પોલીસને મળી હતી. જેના આધારે પોલીસ સ્ટાફ ઘટના સ્થળે પહોંચ્યો હતો. જ્યાં ટ્રકના વ્હીલ હેઠળ યુવાને ઝંપલાવી આપઘાત કર્યો હોવાનું સીસીટીવી ફુટેજના આધારે બહાર આવ્યું હતું. બનાવને પગલે પોલીસે વધુ તપાસ કરતા યુવાન પાસેથી મોબાઇલ ફોન મળી આવ્યો હતો. તેમજ યુવકનું નામ નીલમ હોવાનું પ્રાથમિક તપાસમાં બહાર આવ્યું છે.