ગુજરાત ભારે વરસાદની ફરી એકવાર આગાહી કરવામાં આવી છે. ખાસ કરીને ઓગષ્ટ મહિનામાં ભારે વરસાદના પહેલા કોઈ સંકેતો નહોતા પરંતુ હવે ફરીથી ભારે વરસાદની આગાહી કરવામાં આવી છે. બંગાળની ખાડીમાં પ્રેશર સર્જાતા આગામી 5 દિવસ સુધી ગુજરાતમાં વરસાદ પડી શકે છે. તેમાં પણ 8 ઓગષ્ટના રોજ ભારે વરસાદ વરસી શકે છે.
આજે ખેડા, અમદાવાદ, ગાંધીનગર, મહેસાણા, હિંમતનગર, પાટણ, ભરુચ સહીતના વિવિધ વિસ્તારોમાં વરસાદ જોવા મળ્યો હતો. તેમાં પણ અમદાવાદમાં 10 વાગ્યાથી વરસાદ જોવા મળ્યો હતો. ત્યારે આજે વધુ વરસાદ અમદાવાદમાં પડે તેવી શક્યતાઓ પણ હવામાન વિભાગ દ્વારા વ્યક્ત કરવામાં આવી છે.
ગુજરાત હાલ સામાન્ય વરસાદ જોવા મળી રહ્યો છે. તેમાં પણ કપડવંજમાં 2.5 ઈંચ વરસાદ આજે પડ્યો છે જ્યારે ખેડામાં પણ વરસાદ જોવા મળ્યો હતો. એક સપ્તાહ જેટલો વરસાદે વિરામ લીધા બાદ બફારા પછી વરસાદથી લોકોએ રાહત અનુભવી છે. વડોદરા શહેરમાં ટૂંકા વિરામ બાદ મેઘરાજાની મહેર જોવા મળી રહી છે. ફતેપુરાસ અલ્કાપુરી સહીતના વિસ્તારોમાં પાણી ભરાયા હતા. આ ઉપરાંત ગાંધીનગરમાં પણ અત્યારે વરસાદ વરસ્યો હતો. આ ઉપરાંત બનાસકાંઠામાં પાટણ ખાતે પણ વરસાદી માહોલ જોવા મળ્યો હતો.
