દક્ષિણ ગુજરાતના અનેક શહેરો માં વાતાવરણમાં પલ્ટો,ભરૂચના નેત્રંગ માં વરસ્યું વરસાદી માવઠું…!!
આજે વહેલી સવાર થી રાજ્ય ના વિવિધ જિલ્લા ઓના વાતાવરણમાં પલ્ટો આવ્યો હોય તેમ જોવા મળ્યું હતું,દક્ષિણ ગુજરાત માં પણ ભરૂચ,સુરત ગ્રામ્ય ,નવસારી સહિત ના આસપાસ ના ગ્રામ્ય વિસ્તારોમાં વાદળછાયું વાતાવરણ સર્જાયું હતું,તેમજ વહેલી સવારે ભરૂચ શહેર માં વાદળો ની ગર્જના સાથે થયેલા વીજળી ના ચમકારાએ શહેર વાસીઓને ચોમાસાના દર્શન કરાવ્યા હતા, ભરૂચ જિલ્લાના નેત્રંગ પંથકમાં વહેલી સવારે કાળા ડિબાંગ વાદળો ની ફોઝ વચ્ચે એક સમયે વરસાદી ઝાપટું પડતા વાતાવરણમાં ઠંડક પ્રસરી જવા પામી હતી,
તો બીજી તરફ અચાનક વાતાવરણમાં પલ્ટો આવતા ખેડૂતો માં ચિંતા નો માહોલ જોવા મળ્યો હતો.જેમાં કેરી.લીંબુ.જીરું સહિત ના પાક ને નુક્શાનીની ભીંતી ખેડૂતોને સતાવવા લાગી હતી, ભરૂચ જિલ્લા નો અંતરિયાળ એવો નેત્રંગ તાલુકામાં મોટા ભાગે લોકો ખેતીના વ્યવસાય સાથે સંકળાયેલા છે તેવામાં આજે અચાનક વરસેલા માવઠા થી તેઓના પાક ને નુકશાની થઈ હોવાનું અનુમાન લગાવાઈ રહ્યું છે,જોકે વધુ સમય સુધી માવઠું ન રહેતા ખેડૂતોએ રાહત પણ અનુભવી હતી..!
