આજકાલ વજન ઉતારવા માટે લોકો અનેક ઘણી મહેનત કરતા હોય છે, તેમ છતાં એમને જોઇએ એ પરિણામ મળતુ નથી. જો કે વજન ઉતારવા માટે લોકો જીમમાં જાય છે તેમજ ઘરે એક્સેસાઇઝ કરીને પોતાનું વજન ઉતારતા હોય છે, પરંતુ તમને જણાવી દઇએ કે એક્સેસાઇઝની સાથે-સાથે તમારો ડાયટ પ્લાન પણ બરાબર હોવો જોઇએ. તો વજન ઉતારવા માટે તમે પણ ફોલો કરો આ ડાયટ પ્લાન…
સવારમાં એક ગ્લાસ પાણી પીવો
સવારમાં હુંફાળા પાણીમાં તમે લીંબુનો રસ નીચોવીને પી લો. આ પાણી પીવાથી તમારી ચરબી ઓગળવા લાગે છે. આ સાથે જ તમારી ઇમ્યુનિટી પણ વધશે.
પ્રોટીન યુક્ત નાસ્ત કરો
નાસ્તામાં ગમે તે નહિં પરંતુ પ્રોટીન યુક્ત નાસ્તો કરવાની આદત પાડો. આમાં તમે રાજમા, ચણા, બીન્સની સાથે અંકુરિત સલાડ પણ ખાઇ શકો છો. આનાથી તમારા ખાવાની ક્રેવિંગ કંટ્રોલમાં રહેશે.
આ વસ્તુઓ ખાઓ લંચમાં
વજન ઉતારવા માટે તમે લંચમાં માત્ર એક વાટકી દાળ, 2 રોટલી અને ગ્રીન સલાડ ખાઓ.
સાંજની ચા
ઘણાં લોકોને સાંજની ચા પીવાની આદત હોય છે. એવામાં તમે ચા પીવાના શોખીન છો તો ચાની સાથે બે કુકીઝ ખાઇ લો. કુકીઝમાં ખાંડનું પ્રમાણ ઓછુ હોવું જોઇએ. આનાથી તમારું પેટ ભરાઇ જશે અને તમને ભૂખ પણ નહિં લાગે.
સાંજનો નાસ્તો
સાંજના નાસ્તામાં તમે મેકરોની, પાસ્તા, સેન્ડવીચ જેવી વસ્તુઓ ખાઇ શકો છો. પરંતુ આ તમારે વધારે પ્રમાણમાં ખાવાનું નથી. આમાં ઓઇલી અને મસાલાનું પ્રમાણ વધારે ના હોવું જોઇએ.
ડિનર માટે
તમે ડિનરમાં રોટલીને સ્કિપ કરી દો. ડિનરમાં તમારે એક જ જગ્યાએ બેસીને 1 કપ ભાત અને દહીં ખાવાનું રહેશે. જો તમે ઇચ્છો તો રાયતુ પણ ખાઇ શકો છો. આ ડિનર તમારા શરીરમાં પ્રોબાયોટિક જરૂરિયાતોને પૂરી કરવામાં મદદ કરે છે. આ સાથે જ પેટમાં ઠંડક પણ થાય છે.