સુરત જિલ્લામાં પલસાણા તાલુકાના સોયાની ગામના પાટિયા પાસે અકસ્માતની ઘટના સામે આવી છે.લકઝરી બસે તુફાન જીપને અડફેટે લીધી હતી જેમાં અકસ્માતની ઘટનામાં બે લોકોને ગંભીર ઇજાઓ પહોંચી હતી હાલ તો ઇજાગ્રસ્તોને સારવાર અર્થે હોસ્પિટલ ખસેડાયા છે અને પલસાણા પોલીસે સમગ્ર મામલે ગુનો નોંધી તપાસ હાથ ધરી છે. સુરત જિલ્લાના પલસાણા તાલુકાના સોયાણી ગામના પાટીએ રવિવારના રોજ વહેલી સવારે નેશનલ હાઈવે નંબર 6 પર બેફામ દોડતી પ્રાઇવેટ લકઝરી બસે તુફાન જીપને ટક્કર મારતા દંપતી ઘાયલ થયું હતું જાણવા મળ્યું હતું કે મહારાષ્ટ્રના જલગાવથી દંપતી તુફાન જીપ લઈ પલસાણાના સોયાણી ગામની સગુન રેસિડેન્સીમાં લગ્ન પ્રસંગે આવ્યું હતું લગ્નમાં હાજરી આપ્યા બાદ સુરત ખાતે સંબંધિત સગાને મળવા માટે દંપતી તુફાન જીપ ( ન. MH 19 BU 9650) લઈ જઈ રહયા હતા તે જે દરમિયાન સોયાણી ગામના પાટીએ કાવ્યા હોટલ નજીક નેશનલ હાઈવે નંબર 6 પર કડોદરા તરફથી પુરઝડપે આવતી લકઝરી બસ (નબર GJ 03 W 9985) ના ચાલકે તુફાન જીપને આગળના ભાગેથી ટક્કર મારતા જીપમાં બેઠેલ દંપતી સમાધાન રાવા પાટીલ તેમજ પત્ની ગીતાબેન સમાધાન પાટીલને ગંભીર ઈજાઓ થતા ઇજાગ્રસ્તોને બારડોલી સરદાર સ્મારક હોસ્પિટલ ખસેડયા હતા જયાંથી સુરતની નવી સિવિલ હોસ્પિટલથી કિરણ હોસ્પિટલમાં સારવાર હેઠળ ખસેડયા હોવાનું જાણવા મળ્યું છે પોલીસે અકસ્માત અંગે નોંધ લેવાની તજવીજ હાથધરી છે.