જામનગર જિલ્લા પંચાયતની આરોગ્ય શાખામાં સુપરવાઇઝર તરીકે ફરજ બજાવતા કર્મચારી વિરુદ્ધ તેમની પત્નીએ મહિલા પોલીસ મથકમાં ફરિયાદ નોંધાવતા ચર્ચા જાગી છે. શહેરના ગોલ્ડન સીટી સામે આવેલ ફુલચંદ તંબોલીભવન એ વિંગ -404માં રહેતા પરિણીતાને સુપરવાઇઝર તેના પતિ શારિરીક અને માનસીક ત્રાસ આપતા હોવાની અને માથાકૂટ કરતા હોવાની ફરિયાદ કરી છે જેને પગલે પોલીસે કાર્યવાહી હાથ ધરી છે. આ બનાવ અંગે મહિલા પોલીસ મથકેથી જાણવા મળતી વિગત અનુંસાર જામનગર શહેરના પોલીસ હેડ કવાર્ટસની પાછળ ગોલ્ડન સીટી સામે આવેલ ફુલચંદ તંબોલીભવન વિંગ એ-404 આવાસમાં રહેતા જેસલબેન વિશાલભાઈ ત્રિવેદીને જિલ્લા પંચાયત આરોગ્ય શાખામાં સુપરવાઇઝર તરીકે ફરજ બજાવતા પતિ વિશાલભાઈ હિમતદાન ત્રિવેદી તેની સાથે નાની નાની બાબતમાં ઝગડો કરી મારઝુડ કરતા હોય અને શારીરિક માનસિક દુખ ત્રાસ આપતા હોવાની ફરિયાદ કરતા ચકચાર જાગી છે. આ અંગેની મહિલા પોલીસે જેસલબેન ત્રિવેદીની ફરીયાદ પરથી વિશાલભાઈ હિમંતદાન ત્રિવેદી વિરૂદ્ધ મહિલા અત્યાચાર સહિતની આઈ.પી.સી.કલમ 498 (એ), 323 મુજબ ગુનોં નોંધી તપાસનો ધમધમાટ આદર્યો છે.આ કેસની વધુ તપાસ મહિલા પીએસઆઇ કે.એન.જાડેજા ચલાવી રહ્યા છે.
