ન્યુઝીલેન્ડમાં રમાઈ રહેલા મહિલા વન-ડે વર્લ્ડ કપમાં ભારતીય ટીમ સારુ પ્રદર્શન કરી રહી છે. શનિવારે વેસ્ટ ઈન્ડિઝ સામે ટીમ ઇન્ડિયાએ વર્લ્ડકપની ત્રીજી મેચ રમી હતી, જેમાં વાઇસ કેપ્ટન હરમનપ્રીત કૌર અને ઓપનર સ્મૃતિ મંધાનાએ ધમાલ મચાવી હતી. બંનેએ સદી ફટકારી છે.
હરમનપ્રીતે 107 બોલમાં 109 રન બનાવ્યા હતા. વર્લ્ડ કપના ઈતિહાસમાં આ તેની ત્રીજી સદી હતી. આ રીતે તેણે ઈતિહાસ રચ્યો છે. હરમનપ્રીત વર્લ્ડ કપમાં સૌથી વધુ 3 સદી ફટકારનારી પ્રથમ ભારતીય મહિલા ક્રિકેટર બની ગઈ છે.
હરમને આ મામલે કેપ્ટન મિતાલી રાજ અને સ્મૃતિ મંધાનાને પાછળ છોડી દીધા છે. આ બંને સ્ટાર ખેલાડીઓએ સમાન 2-2 સદી ફટકારી છે. આ બંને સ્ટાર ખેલાડીઓ સંયુક્ત રીતે બીજા નંબર પર છે. મંધાનાએ આ જ મેચમાં બીજી સદી પણ ફટકારી હતી.
હરમનપ્રીત કૌર વર્લ્ડ કપમાં સૌથી વધુ સદી ફટકારવાના મામલે સંયુક્ત રીતે બીજા નંબર પર આવી ગઈ છે. જો કે, વર્લ્ડ કપમાં સૌથી વધુ સદી ફટકારવાના મામલામાં ઈંગ્લેન્ડના ભૂતપૂર્વ ક્રિકેટર જોન બ્રિટિન અને ચાર્લોટ એડવર્ડ્સ સંયુક્ત રીતે ટોચ પર છે. બંનેએ 4-4 સદી ફટકારી છે.
વેસ્ટ ઈન્ડિઝ સામેની આ જ મેચમાં સ્મૃતિ મંધાનાએ 119 બોલમાં 123 રનની શાનદાર સદી ફટકારી હતી. તેણે પોતાની ઇનિંગમાં 2 સિક્સ અને 13 ફોર ફટકારી હતી. આ ઇનિંગમાં મંધાનાનો સ્ટ્રાઇક રેટ 103.36 હતો.
સ્મૃતિ મંધાનાની વનડેમાં આ પાંચમી અને વર્લ્ડ કપમાં બીજી સદી હતી. આ રીતે મંધાના વર્લ્ડ કપમાં સૌથી વધુ સદી ફટકારવાના મામલે સંયુક્ત રીતે બીજા નંબર પર આવી ગઈ છે. મિતાલી રાજ પણ બે સદી સાથે મંધાના સાથે બીજા ક્રમે છે.
આ સદી સાથે હરમનપ્રીત કૌરે વર્લ્ડ કપમાં અત્યાર સુધી 22 મેચ રમીને 743 રન બનાવ્યા છે. તે મિતાલી રાજ પછી વર્લ્ડ કપમાં સૌથી વધુ રન બનાવનારી બીજી ભારતીય ખેલાડી પણ છે. મિતાલીએ અત્યાર સુધી 34 મેચમાં 1184 રન બનાવ્યા છે.