સુરતની કામરેજ સુગર ફેક્ટરીમાં આગની ઘટના,ખુલ્લામાં રાખેલા સંગ્રહિત બગાસના જથ્થામાં લાગી આગ,ગરમીને કારણે આગ લાગી હોવાનું અનુમાન.
રાજ્યમાં હવે ગરમીની શરૂઆત થઈ ગઈ છે ત્યારે ગરમીને કારણે આગની ઘટનાઓ વધતી જશે,વધુ પડતી ગરમીને કારણે સુરતની કામરેજ સુગર મિલમાં આગનો બનાવ સામે આવ્યો છે,કામરેજ સુગર ફેક્ટરીમાં ખુલ્લી જગ્યામાં મુકવામાં આવેલા બગાસના જથ્થામાં અચાનક આગ ભભૂકી ઉઠી હતી,બગાસના જથ્થામાં આગ લાગતાં બગાસનો જથ્થો બળી ને ખાખ થયો હતો,બગાસના ખુલ્લા ગોડાઉનમાં લાગેલી આગ ગરમીને કારણે લાગી હોવાનું પ્રાથમિક અનુમાન લગાવવામાં આવી રહ્યું છે ત્યારે આગની ઘટનાને લઈ ત્રણ ફાયર ફાઈટરો ઘટના સ્થળે ઘસી આવ્યા હતા અને બગાસના જથ્થામાં લાગેલી આગ ઉપર સતત પાણીનો મારો ચલાવી આગને કાબુમાં લીધી હતી,આગને પગલે સદ્ નશીબે કોઈ જાનહાનિ થવા પામી ન હતી પરંતુ આગ લાગતા બગાસનો જથ્થો બળી ને ખાખ થયો હતો,આગ ની ઘટના બનતા સુગર મિલના કર્મચારીઓમાં નાસભાગ મચી હતી ત્યારે સમયસર ફાયર વિભાગને જાણ કરાતાં કામરેજ,ટોરેન્ટ અને કીમ વિભાગના ફાયર ફાઇટરો ઘટના સ્થળે આવી પહોંચતા આગને કાબુમાં લીધી હતી અને મોટી દુર્ઘટના થતાં અટકાવી હતી.