વઢવાણ તાલુકાના કારીયાણી ગામે વીજટીમે ચેકિંગ હાથ ધર્યુ હતુ. જેમાં ગામમાં આવેલા ટીસીમાં જ સીધુ વીજ કનેકશન આપીને ચોરી પકડાતા સત્યમ એન્ટરપ્રાઇઝને રૂ. ૭૦.૧૦ લાખનો દંડ કરવામાં આવતા વીજચોરી કરતા લોકોમાં ફફડાટ ફેલાયો હતો.
…આ અંગે સૂત્રો દ્વારા મળતી માહિતી મુજબ સુરેન્દ્રનગર જિલ્લામાં દિવસે દિવસે વીજચોરી વધી રહી છે. જેના કારણે વીજલોશનો સામનો વીજતંત્રને કરવો પડી રહ્યો છે. લોકો ધંધાકીય પ્રવૃત્તિઓ માટે પણ વીજલાઈનના વીજ ટ્રાન્સફોર્મરમાં સીધા જ કનેકશન આપીને વીજચોરીની ઘટનાઓ બહાર આવતા વીજતંત્ર દ્વારા ચેકીંગ હાથ ધરવામાં આવી રહ્યું છે ત્યારે વઢવાણ તાલુકાના કારીયાણી ગામે વઢવાણ પીજીવીસએલની ટીમે વીજ ચેકિંગ હાથ ધર્યુ હતુ. જેમાં સત્યમ એન્ટપ્રાઇઝ ઔદ્યોગિક વપરાશમાં ચેકિંગ કરાતા વીજટ્રાન્ફોર્મરમાં જ સીધુ જોડાણ આપીને વીજચોરી થતી હોવાનું બહાર આવ્યુ હતુ. ત્યારે પીજીવીસીએલ તંત્રની ટીમે વીજચોરી બાબતે રૂ. ૬૨.૮૦ લાખ અને કંમ્પાઉન્ડીંગ ચાર્જની રકમ રૂ. ૭.૨૯ લાખ સહિત કુલ રૂ.૭૦.૧૦ લાખનો દંડ ફટકારવામાં આવ્યો હતો. જ્યારે વીજચોરી બાબતે પોલીસે ફરિયાદની તજવીજ હાથ ધરી હતી. જ્યારે મોટા પાયે વીજ ચોરી ઝડપાતા વીજ ચોરી કરતા લોકોમાં ફફડાટ ફેલાયો હતો.
