IPL 2022: ફિટનેસ મુદ્દાઓ વચ્ચે હાર્દિક પંડ્યાને હાઝરીમાં રાખવાની સ્પર્ધા, વેસ્ટ ઈન્ડિઝ-શ્રીલંકા સામે ટીમ ઈન્ડિયામાં જોડાવું મુશ્કેલ

હાર્દિક પંડ્યા (Hardik Pandya) હાલમાં ટીમ ઇન્ડિયા (Team India) થી બહાર છે અને તેને હવે ઝડપથી ટીમમાં પરત ફરવુ મુશ્કેલ છે. હાલમાં તે ફીટનેસને લઇને પરેશાન છે. જેને લઇને તેણે ટીમની બહાર રહેવુ પડ્યુ છે. આ દરમ્યાન તેને IPL ની ફેન્ચાઇઝી મુંબઇ ઇન્ડિયન્સે (Mumbai Indians) પણ રિટેન નથી કર્યો. તો વળી હવે વર્ષની શરુઆતમાં ફેબ્રુઆરીમાં ઘર આંગણે રમાનારી વ્હાઇટ બોલ સિરીઝ થી પણ બહાર રહેવુ પડી શકે છે.

વેસ્ટ ઇન્ડિઝની ટીમ (West Indies Cricket Team) ભારતનો પ્રવાસ આગામી વર્ષની શરુઆતે જ ખેડનારી છે. ભારત અને વેસ્ટઇન્ડિઝ ટીમ વચ્ચે વન ડે અને T20 ફોર્મેટની મેચોની શ્રેણી ઘર આંગણે રમાનાર છે. ત્યાર બાદ શ્રીલંકા સામે પણ ભારતીય ટીમ T20 સિરીઝ રમનાર છે. જે સિરીઝમાં પણ તેની પસંદગી થવી મુશ્કેલ જણાઇ રહી છે. આ પસંદગીમાં સામેલ થવા માટે તેણે તનતોડ પ્રયાસ કરવો પડશે. તેની ફિટનેસની સમસ્યાથી તેણે રાહત મેળવવી પડશે. જોકે આ માટે તે પુષ્કળ મહેનત કરી રહ્યો છે.

ફિટનેસના કારણે જ હાર્દિક પંડ્યાએ દક્ષિણ આફ્રિકાનો પ્રવાસ ગુમાવવો પડ્યો છે. સાથે જ તેણે આઇપીએલમાં પણ પોતાની ટીમ મુંબઇ થી દૂર થવુ પડ્યુ છે. હાલમાં હાર્દિક પંડ્યા ફિનટેસ પર કામ કરી રહ્યો છે. તે મુંબઇમાં જ રિહૈબ થી પસાર થઇ રહ્યો છે. હાર્દિક પંડ્યા જાન્યુઆરી માસમાં ફિટનેસ ટેસ્ટ આપશે. તે આ માટે નેશનલ ક્રિકેટ એકડમીમાં જશે. જ્યાં તેનો અસલી ટેસ્ટ શરુ થશે. રિપોર્ટ મુજબ તે એનસીબીમાં આ માટે જાન્યુઆરીના અંત અથવા ફેબ્રુઆરીની શરુઆતમાં જઇ શકે છે.

હાર્દિક ની IPL માં રહેશે માંગ

મીડિયા રિપોર્ટ મુજબ મુંબઇ ઇન્ડિયન્સના એક વિશેષજ્ઞ સુત્રએ કહ્યુ હતુ કે, જુઓ બેશક તેણે પોતાને સાબિત કર્યો છે અને તે એક મોટો ડ્રો છે. તે પોતાના એકલા દમ પર મેચને જીતાડી શકે છે. જોકે હાલમાં સૌ કોઇ જાણે છે કે, તે એક ચેતવણી એટલે કે હેંડલ વિથ કેર લઇ આવી રહ્યો છે. અમારુ માનવુ છે કે, કોઇ પણ ટીમ તેની પર ભારે રકમ લગાવશે. તેના માટે એક મોટી માંગ હશે, જોકે તેના ફિટનેસના મુદ્દાને લઇને તેના વેતન સાથે સમાધાન થઇ શકે છે.