બૂથ સશક્તિકરણ અભિયાન અંતર્ગત સીઆર પાટીલ ગુજરાતના દરેક જિલ્લાની મુલાકાત લેશે. જ્યાં વિધાનસભાની જેમ જ કામ કરવામાં આવશે. લોકસભા સીટ દીઠ બૂથ મજબૂત કરવા પર ભાર મૂકવામાં આવશે.
ભારતીય જનતા પાર્ટી દ્વારા આ વખતે 2024ના 26 સીટોના લોકસભાના લક્ષ્યાંકને ધ્યાનમાં રાખી એક વર્ષ પહેલાથી જ તૈયારીઓ તેજ કરવામાં આવી છે ત્યારે આ વખતે પણ વિધાનસભાની જેમ જ સીઆર પાટીલને મોટી જવાબદારી ભાજપ મોવડી મંડળચ તરફથી સોંપવામાં આવી છે. ત્યારે તેમના ખભે લોકસભાનો ભાર વિધાનસભા બાદ છે ત્યારે તેઓ અત્યારથી જ સક્રીય દેખાઈ રહ્યા છે. તેમના વિવધ પ્રવાસો અત્યારથી જ યોજાઈ રહ્યા છે.
આગામી દિવસોમાં જેમ જેમ લોકસભાની તૈયારીઓ તેજ થઈ રહી છે તેમ તેમ સીઆર પાટીલના પ્રવાસો પણ વધુ વધતા જોવા મળશે, તેઓના આગામી દિવસોમાં 33 જિલ્લાઓમાં પ્રવાસો યોજવામાં આવશે. સીઆર પાટીલ બાદ સીએમના પણ પ્રવાસો યોજાશે જેઓ વિવિધ જિલ્લા સ્તરની મહત્વની બેઠકો કરશે.
ધારાસભ્યો અને સાંસદો સાથે બેઠકો કરીને તેઓ જરુરી સૂચનો પણ આપશે
ગુજરાત વિધાનસભાની ચૂંટણીમાં જે રીતે બુથ સશક્તિકરણ પર કામ કરવામાં આવતા તેનો સીધો ફાયદો 156 સીટોરુપે થયો છે ત્યારે કર્ણાટકની ચૂંટણીમાં પણ એજ તર્જ પર ભાજપ આગળ વધી રહયું છે. ત્યારે લોકસભામાં પણ સીઆર પાટીલ આ રણનિતી સાથે આગળ વધી રહ્યા છે જે માટે સીઆર પાટીલ દ્વારા જિલ્લા સ્તરે પ્રવાસો થશે. બૂથ સશક્તિકરણ અભિયાન અંતર્ગત સીઆર પાટીલ ગુજરાતના દરેક જિલ્લાની મુલાકાત લઈ વિશેષ બેઠકો પણ યોજશે. સીઆર પાટીલની આ મહત્વની બેઠકો હશે. ધારાસભ્યો અને સાંસદો સાથે બેઠકો કરીને તેઓ જરુરી સૂચનો પણ આપશે.
નબળા બૂથોને સુધારવા માટે માર્ગદર્શન આપવામાં આવશે. ભાજપ અત્યારથી જ તૈયારીઓ કરી રહ્યું છે તેનો અંદાજો પણ જિલ્લા સ્તરે લગાવી શકાય છે કેમ કે, ભાજપે કેટલાક જિલ્લા ભાજપ પ્રમુખોને બદલી પણ નાખ્યા છે.
