અરવલ્લીના બાયડ-માલપુરના ધારાસભ્યએ આરોગ્ય કેન્દ્રમાં કોવિડ વિભાગનું નિરીક્ષણ કર્યું; દર્દીઓને ખબર અંતર પૂછ્યા
હાલ કોરોનાની પાંચમી લહેરના ભણકારા વાગી રહ્યા છે ત્યારે ગુજરાતમાં પણ આરોગ્ય તંત્ર એલર્ટ છે ત્યારે અરવલ્લીના બાયડ-માલપુરના ધારાસભ્ય ધવલસિંહ ઝાલા એમાલપુર આરોગ્ય કેન્દ્રમાં કોવિડ વિભાગનું કર્યું નિરીક્ષણ હોસ્પિટલમાં દાખલ દર્દીઓને ખબર અંતર પૂછ્યા હતાં.પ્રસૂતા મહિલાઓને બાળ કીટની ભેટ આપી
ચીન સહિત વિશ્વમાં કોરોનાએ ફરીથી માથું ઊંચક્યું છે ત્યારે હવે ગુજરાતમાં પણ આરોગ્ય તંત્ર એલર્ટ બન્યું છે તો પદાધિકારીઓ પણ પ્રજા હિત માટે સતત ચિંતિત જોવા મળી રહ્યા છે. બાયડ – માલપુર વિધાનસભાના પ્રજા સેવક ધારાસભ્ય ધવલસિંહ ઝાલા માલપુર આરોગ્ય કેન્દ્ર ખાતે પહોંચ્યા હતા અને આરોગ્ય કેન્દ્રમાં ડોકટર, નર્સ સહિતના સ્ટાફ સાથે મુલાકાત કરી જરૂરી ચર્ચા કરી હતી. હોસ્પિટલમાં દાખલ દર્દીઓને ખબર અંતર પૂછ્યા હતા તેમજ પ્રસૂતા મહિલાઓને બાળ કીટની ભેટ આપી હતી. બીજી તરફ કોરોના સંકટમાં તકેદારીના ભાગરૂપે તેમજ માલપુર આરોગ્ય કેન્દ્રમાં કેવી તૈયારીઓ છે. કેવી વ્યવસ્થા છે તે અંગે નિરીક્ષણ કરી ડોકટર સાથે ચર્ચા કરી હતી અને સંતોષ વ્યક્ત કર્યો હતો.