તમે ક્યારે પણ સંતરાની છાલનું શાક ધરે બનાવ્યુ છે? આ શાક ટેસ્ટમાં બહુ જ મસ્ત લાગે છે. ડાયાબિટીસના લોકો માટે આ શાક સૌથી બેસ્ટ છે. આ શાક ખાસ કરીને દક્ષિણ ભારતમાં બહુ ફેમસ છે. દક્ષિણ ભારતના કર્ણાટક રાજ્યમાં આ શાક સૌથી વધારે બને છે. આ શાક તમે પરાઠા સાથે ખાઓ છો તો બહુ મજા આવે છે તો જાણો ઘરે કેવી રીતે બનાવશો આ શાક.
સામગ્રી
5 કાપેલા સંતરાની છાલ
1 મોટી ચમચી આંબલીનો રસ
2 નાના કટકા ગોળ
રસમ પાવડર
મીઠું
તેલ
રાઇ
હળદર
હિંગ
મીઠો લીમડો
- સંતરાની છાલમાંથી શાક બનાવવા માટે સૌ પ્રથમ સંતરાને ધોઇ લો અને એમાંથી છાલ કાઢી લો.
- હવે એક પેન લો અને એમાં તેલ ગરમ કરવા મુકો.
- તેલ ગરમ થઇ જાય એટલે એમાં રાઇ, હિંગ અને મીઠા લીમડાના પાન નાંખો.
- ત્યારપછી સંતરાની છાલ નાંખો.
- આમ, આ બધી જ સામગ્રીને બરાબર મિક્સ કરી લો.
- 3 થી 4 મિનિટ સુધી આ મિશ્રણને ધીમા ગેસે થવા દો.
- પછી આમાં આંબલીનો રસ મિક્સ કરો.
- હવે જરૂરમુજબ પાણી નાંખો અને 2 મિનિટ માટે થવા દો.
- આ બધી પ્રોસેસ થઇ જાય પછી એમાં મીઠું નાંખો.
- મીઠું નાંખ્યા પછી હળદર અને લાલ મરચુ નાંખો.
- આ મસાલા કર્યા પછી ગોળ એડ કરો.
- ગોળ નાંખ્યા પછી આ શાકને ઢાંકીને 10 મિનિટ માટે ધીમા ગેસે થવા દો. ગેસ ફાસ્ટ કરવાનો નથી. જો તમે ગેસ ફાસ્ટ કરશો તો શાક ચડશે નહિં અને સ્વાદ બરાબર નહિં આવે.
- વચ્ચે વચ્ચે શાકને ચેક કરતા રહો કે એમાં પાણી છે કે નહિં. જો પાણી ના હોય કે ઓછુ હોય તો તમે એમાં થોડુ-થોડુ પાણી એડ કરતા જાવો.
- 10 મિનિટ રહીને જોઇ લો શાક થઇ ગયુ કે નહિં.
- શાક થઇ ગયુ હોય તો એક બાઉલમાં લઇ લો.
- જો તમે ઇચ્છો છો તો આમાં ઉપરથી કોથમીર એડ કરી શકો છો.