19 કિલોના કોમર્શિયલ રસોઇ ગેસ એલપીજીના ભાવ વધી ગયા છે, 19 કિલોના કોમર્શિયલ રસોઇ ગેસ એલપીજીની કિંમતમાં 250 રૂપિયા પ્રતિ સિલિન્ડરનો વધારો કરવામાં આવ્યો
લોકોને વધુ એક મોંઘવારીનો ઝટકો લાગ્યો છે. હવે 19 કિલોના કોમર્શિયલ રસોઇ ગેસ એલપીજીના ભાવ વધારી દેવામાં આવ્યા છે. 19 કિલોના કોમર્શિયલ રસોઇ ગેસ એલપીજીની કિંમતમાં 250 રૂપિયા પ્રતિ સિલિન્ડરનો વધારો કરવામાં આવ્યો છે. આજથી તેની કિંમત 2253 રૂપિયા હશે. જોકે, ઘરેલુ ગેસ સિલિન્ડરના ભાવમાં કોઇ વધારો કરાયો નથી.
19 કિલો સિલિન્ડરની કિંમત 2,253 રૂપિયા પ્રતિ યૂનિટ થઇ ગઇ છે. કોલકાતામાં એક સિલિન્ડરની કિંમત 2,351 રૂપિયા, મુંબઇમાં 2,205 રૂપિયા અને ચેન્નાઇમાં તેની કિંમત 2,406 રૂપિયા થઇ ગઇ છે.
મહત્વપૂર્ણ છે કે પહેલા 22 માર્ચે, ઘરેલુ રસોઇ ગેસ એલપીજીના ભાવમાં વધારો કરવામાં આવ્યો છે અને તેના ભાવ 50 રૂપિયા પ્રતિ સિલિન્ડર વધારી દેવામાં આવ્યા હતા.
છેલ્લા કેટલાક સમયથી પેટ્રોલ-ડીઝલના ભાવમાં પણ વધારો કરવામાં આવ્યો હતો જેને કારણે લોકો પર મોંઘવારીનો વધુ એક માર જોવા મળ્યો છે. વિપક્ષ દ્વારા મોંઘવારીને લઇને વિરોધ કરવામાં આવી રહ્યો છે.
