બાયડ – માલપુરના પૂર્વ ધારાસભ્ય ધવલસિંહ દ્વારા પોતાના મતવિસ્તારના વિદ્યાર્થીઓને બોલપેનો નું વિતરણ કરી શુભેચ્છા સહ શુભ કામનાઓ પાઠવવામાં આવી હતી.
આજથી શરૂ થયી બોર્ડ એકઝામ માં વિદ્યાર્થીઓને અલગ રીતે શુભેચ્છાઓ સૌ કોઈ આપી રહ્યા છે. ગત વખતે કોરોના ના કારણે આ પરીક્ષાઓ મોકૂફ રાખવામાં આવી હતી ત્યારે કોરોના શાંત થયા બાદ પરીક્ષાઓ યોજવામાં આવી છે. .
રાજ્યમાં આજથી S.S.C અને H.S.C બોર્ડની પરીક્ષા શરૂ થઈ રહી છે, જે અંતર્ગત ભારતીય જનતા પાર્ટીના યુવા મોરચાના કાર્યકરો દ્વારા અરવલ્લી જિલ્લાના બાયડ – માલપુર તાલુકામાં બોર્ડની પરીક્ષા આપતા વિદ્યાર્થીઓને બોલપેન નું વિતરણ કરી શુભેચ્છાઓ પાઠવવામાં આવી હતી.
જિલ્લા પ્રભારી જયશ્રીબેન દેસાઈ, જિલ્લા પ્રમુખ અમિશભાઇ પટેલ, વિસ્તારના પૂર્વ ધારાસભ્ય ધવલસિંહ ઝાલા, તેમજ વિસ્તારના સરપંચશ્રીઓ અને યુવા મોરચાના કાર્યકરોએ પરીક્ષા કેન્દ્રો ખાતે ઉપસ્થિત રહી બાયડ તાલુકાની એન. એચ. શાહ હાઇસ્કૂલ અને સારસ્વત હાઇસ્કૂલ, તાલુકાના સાઠંબા, જીતપુર, બોરોલ, ગાબટ, આંબલીયારા પરીક્ષા કેન્દ્રો ખાતે તેમજ માલપુરની પી. જી. મહેતા હાઇસ્કૂલ અને હરિઓમ હાઇસ્કૂલ ખાતે પરીક્ષા આપતા વિદ્યાર્થીઓને બોલપેન આપી શુભેચ્છા પાઠવી હતી.