સાઉથ સિનેમા બિગ બજેટ બહુચર્ચિત ફિલ્મ આર.આર.આર ફિલ્મના લીડ કલાકારો ફિલ્મના પ્રમોશન માટે ભારત ભ્રમણ માટે નીકળ્યા છે ત્યારે તેમણે ગુજરાતમાં સ્ટેચ્યુ ઓફ યુનિટી ની મુલાકાત લીધી હતી.
જો કે નવાઈની વાત એ છે કે ફિલ્મ નું શૂટિંગ પણ ગુજરાતમાં થઈ ચુકયુ છે. આ કલાકારો સિદ્ધપુરમાં આ ફિલ્મ નું શૂટિંગ કરી ચૂક્યા છે. ત્યારે બીજી વાર આ ફિલ્મના પ્રમોશન માટે તેઓ અહીં કેવડીયા ખાતે આવ્યા હતા.
સ્ટાર જુનિયર એન.ટી.આર, રામચરણ અને આર.આર.આર ફિલ્મના ડાયરેકટર એસ.એસ.રાજા મૌલી સહિતની ટીમે કેવડિયા સ્થિત વિશ્વની સૌથી ઉંચી પ્રતિમા સ્ટેચ્યુ ઓફ યુનિટી ની મુલાકાત લીધી હતી અને અનોખી રીતે ફિલ્મ નું પ્રમોશન કર્યું હતું.
આર.આર.આર ફિલ્મના સ્ટાર કાસ્ટને જોવા માટે મોટી સંખ્યામાં ચાહકો જોવા મળ્યા હતા.
આ ફિલ્મ સ્વવતંત્રતા સેનાનીઓ પર આધારિત છે. આમાં તમને કોમારામ ભીમ અને અલ્લુરી સીતારામરાજુની વાર્તા જોવા મળશે. જે રામ ચરણ અને જુનિયર એનટીઆર ભજવી રહ્યા છે. તેનો સેટ 20 ના દાયકાનો છે. બંને કલાકારો ઉપરાંત આલિયા ભટ્ટ, અજય દેવગન પણ આ ફિલ્મમાં જોવા મળશે. 25 માર્ચનો અંદોજ આ ફિલ્મ રિલીઝ થવા જઈ રહી છે.
