(જી.એન.એસ) તા. 5
ગાંધીનગર,
ગાંધીનગર લોકલ ક્રાઈમ બ્રાન્ચના અધિકારીઓ દ્વારા બાતમીના આધારે વાસણીયા મહાદેવ સીમમાં દરોડો પાડ્યો હતો જેમાં જુગાર રમતા 26 શખ્સોને રંગેહાથ ઝડપી પાડવામાં આવ્યા હતા. પોલીસ દ્વારા આ જુગારધામ ચલાવનાર મૂળરાજ સિંહ રાણાની પણ ધરપકડ કરવામાં આવી છે.
પોલીસે તમામ આરોપીઓની ધરપકડ કરી છે અને તેમની સામે કલમો હેઠળ ગુનો દાખલ કરવામાં આવ્યો છે. મુખ્ય સૂત્રધાર મૂળરાજસિંહ રાણાની પણ અટકાયત કરવામાં આવી છે, અને તેની પૂછપરછ ચાલી રહી છે કે આ જુગારધામ કેટલા સમયથી ચાલતું હતું અને તેમાં અન્ય કોણ કોણ સામેલ છે.
પોલીસ હવે આ જુગારધામના નેટવર્કને ખતમ કરવા માટે વધુ તપાસ કરી રહી છે. પોલીસને શંકા છે કે આ જુગારધામમાં મોટા માથાઓ પણ સામેલ હોઈ શકે છે અને તેઓ આ દિશામાં વધુ તપાસ કરી રહ્યા છે. પોલીસ એ પણ તપાસ કરી રહી છે કે આ જુગારધામમાંથી જપ્ત કરવામાં આવેલી રકમ કેટલી છે અને તે ક્યાંથી આવી હતી. આ મોટા જુગારધામના પર્દાફાશ થવાથી સ્થાનિક લોકોમાં ચર્ચાનો વિષય બની ગયો છે.
