Online Content Writing: કોરોનાવાયરસ મહામારી દરમિયાન ઘણી કંપનીઓમાં કામ કરતા કર્મચારીઓ માટે વર્ક-ફ્રોમ-હોમ જેવી વર્ક સિસ્ટમ રજૂ કરવામાં આવી હતી. આવી સ્થિતિમાં લોકો ઘરે બેસીને પોતાનું કામ પૂર્ણ કરતા હતા. તેનાથી કંપની અને કર્મચારીઓ બંનેને સુવિધા મળી. જો તમે ઘરે બેઠા લાખો રૂપિયા કમાવવા માગો છો, તો ઘણી કંપનીઓ તમને આ તક આપી રહી છે. કન્ટેન્ટ રાઇટિંગમાં રસ ધરાવતા લોકો માટે આ વખતે ઘરે બેઠા રૂપિયા કમાવવાની તક છે. ઘણી નેશનલ-ઈન્ટરનેશનલ કંપનીઓ પોતાના માટે ફ્રીલાન્સર્સ રાખે છે જેઓ પ્રોડક્ટ બેઝ્ડ કન્ટેન્ટ રાઈટિંગ કરી શકે.
ઓનલાઈન માર્કેટિંગ માટે રાઈટર
વર્તમાન યુગમાં ઓનલાઈન માર્કેટિંગનો ક્રેઝ ઘણો વધી ગયો છે. પ્રોડક્ટ ખરીદતા પહેલાં લોકો તેના વિશે સર્ચ કરે છે અને વધુ ઈન્ફોર્મેશન એકત્રિત કરે છે. તેના માટે કન્ટેન્ટ રાઈટર તરીકે તમારું કામ પડી જાય છે. તમારું પ્રાયમરી કામ આ પ્રોડક્ટ વિશે લખવાનું અને ગ્રાહકને તેમના વિશે મહત્તમ માહિતી આપવાનું છે. ઘણી કંપનીઓ વેબસાઈટ માટે કન્ટેન્ટ રાઈટર પણ હાયર કરે છે. ટેક્નિકલ અને નોન-ટેક્નિકલ કંપની મુજબ રાઈટિંગમાં તમને 40 પૈસાથી 2 રૂપિયા પ્રતિ શબ્દ મળે છે. કેટલીકવાર કિંમત તેનાથી વધુ આપી શકે છે. આ સિવાય એક ભાષામાંથી બીજી ભાષામાં અનુવાદ માટે લોકોની ભારે માગ છે.
આંતરરાષ્ટ્રીય કંપની સાથે જોડાઈ કરો કામ
જો તમે કન્ટેન્ટ રાઈટર તરીકે કોઈ ઈન્ટરનેશનલ કંપનીમાં જોડાઓ છો, તો તમે સરળતાથી 90 હજારથી લઈને 1 લાખ રૂપિયા સુધીની કમાણી કરી શકો છો. આ સિવાય ઘણી કંપનીઓ પરમાનેન્ટ રાઈટર હાયર કરે છે, જેમનો પગાર પણ ઘણો સારો હોય છે. Fiverr અને Upwork સહિત ઘણી કંપનીઓ છે, જે કન્ટેન્ટ રાઈટર્સને સારી પેમેન્ટ આપે છે. જો તમારી પ્રાદેશિક ભાષાઓમાં સારી પકડ છે તો તમારા માટે કન્ટેન્ટ રાઇટિંગ જોબ વધુ સારી છે. જો તમે તમારા લેખન સાથે વાચકોને જોડી શકો છો, તો તમારા માટે વધુ સારા રસ્તાઓ ખુલી શકે છે.
