અરવલ્લી જિલ્લામાં નાસતા – ફરતા આરોપીઓને પકડવાનો સિલસિલો યથાવત છે ત્યારે વધુ એક આરોપીને ઝડપી પાડવામાં સફળતા મળી છે. ઝડપાયેલ આરોપીનો અરવલ્લી અને સાબરકાંઠા જિલ્લામાં દબદબો હતો.
અરવલ્લી એસપી સંજય ખરાતના માર્ગદર્શન હેઠળ જીલ્લા પોલીસતંત્ર નાસતા-ફરતા આરોપીઓને દબોચી લઈ જેલના સળિયા પાછળ ધકેલી રહી છે જીલ્લા પેરોલ ફર્લો ટીમે એક ખૂંખાર નાના ડોડીસરાના બુટલેગર જયદેવ ઉર્ફે પિન્ટુ ડુંડને ગાજણ ટોલટેક્ષ નજીક ખાનગી વાહનમાંથી દબોચી લઇ જેલના સળિયા પાછળ ધકેલી દીધો હતો
અરવલ્લી-સાબરકાંઠા જીલ્લામાં લૂંટ,અપહરણ, મારધાડ ગુન્હાનો કુખ્યાત બુટલેગર નાના ડોડીસરાનો જયદેવ ઉર્ફે પીન્ટુ બિપિન ડુંડ ખાનગી વાહનમાં મોડાસા તરફ આવવાનો બાતમી મળતા ગાજણ ટોલટેક્ષ નજીક વોચ ગોઠવી ખાનગી વાહન આવતા કોર્ડન કરી જયદેવ ઉર્ફે પિંટુ ડુંડને દબોચી લેતા કુખ્યાત બુટલેગરના મોતિયા મરી ગયા હતા બુટલેગર પોલીસને ગેરમાર્ગે દોરવા અનેક ધમપછાડા કર્યા હતા જો કે બાતમી સચોટ હોવાથી મોબાઈલ પોકેટ કોપની મદદની સાથે યુક્તિ પ્રયુક્તિથી સકંજામાં લીધો હતો
પોલિસે પકડેલ જયદેવ ઉર્ફે પીન્ટુ સામે મોડાસા ગ્રામ્ય પોલિસ મથક, ભિલોડા પોલિસ મથકે 3, શામળાજી પોલિસ મથકે 1, મોડાસા ટાઉન પોલિસ મથકે1 જ્યારે સાબરકાંઠા જિલ્લામાં 1 ગુનો નોંધાયો છે.
