Karnavati 24 News
તાજા સમાચાર
ताजा समाचार
अपराध

અમદાવાદ: CTM ઓવરબ્રિજ બન્યું સુસાઇડ પોઈન્ટ! ફરી એક યુવતીએ પડતું મૂક્યું, ઘટના CCTVમાં કેદ, 23 દિવસમાં ત્રીજો બનાવ

અમદાવાદનો સીટીએમ ઓવરબ્રિજ જાણે સુસાઇડ પોઇન્ટ બની ગયો હોય તેમ લાગી રહ્યું છે. છેલ્લા 23 દિવસમાં અહીં, આત્મહત્યાના પ્રયાસનો ત્રીજો બનાવ સામે આવ્યો છે. બુધવારે એક યુવતીએ સીટીએમ ઓવરબ્રિજથી ઝંપલાવી આત્મહત્યા કરવાની કોશિશ કરી છે. આ ઘટનાના સીસીટીવી ફૂટેજ પણ સામે આવ્યા છે. માહિતી મુજબ, હાલ યુવતીને સારવાર અર્થે હોસ્પિટલ ખસેડવામાં આવી છે.

નીચે પટકાતા જ તેના પરથી એક કાર પસાર થઈ

માહિતી મુજબ, બુધવારે સવારે 11 વાગ્યે અમદાવાદના સીટીએમ એક્સપ્રેસ પાસે આવેલા ડબલડેક્કર ઓવરબ્રિજ પરથી એક યુવતીએ આપઘાત કરવાનો પ્રયાસ કર્યો હતો. કેટલાક પ્રત્યક્ષદર્શીઓએ જણાવ્યું કે, યુવતીએ બ્રિજ પરથી અચાનક છલાંગ લગાવી હતી. નીચે પટકાતા જ તેના પરથી એક કાર પસાર થઈ ગઈ હતી, જેથી યુવતીને ગંભીર ઇજાઓ થવા પામી હતી. સ્થાનિકો દ્વારા યુવતીને નજીકની હોસ્પિટલમાં સારવાર અર્થે ખસેડવામાં મદદ કરાઈ હતી. ચોંકાવનારી આ સમગ્ર ઘટનાના સીસીટીવી ફૂટેજ પણ સામે આવ્યા છે.

સ્થાનિકો દ્વારા રાઉન્ડ ધ ક્લોક પેટ્રોલિંગની માગ

જો કે, હાલ યુવતીની ઓખળ સામે આવી નથી. તેણે કયા કારણસર આ પગલું ભર્યું તે અંગે પણ પોલીસ દ્વારા તપાસ કરવામાં આવી રહી છે. પરંતુ, છેલ્લા 23 દિવસમાં સીટીએમ ઓવરબ્રિજથી આપઘાતની ત્રીજી ઘટના બનતા સ્થાનિક લોકોમાં ચકચાર મચી જવા પામી છે. સ્થાનિકો દ્વારા રાઉન્ડ ધ કલોક પેટ્રોલિંગની માગ કરવામાં આવી રહી છે, જેથી ફરીવાર આ પ્રકારની ઘટના ન બને. જણાવી દઈએ કે અગાઉ એક યુવતી અને છઠ્ઠા ધોરણમાં ભણતા વિદ્યાર્થીએ સીટીએમ ઓવરબ્રિજથી આપઘાતનો પ્રયાસ કર્યો હતો. જો કે, સદનસીબે વિદ્યાર્થીને ત્યાં ઊભેલા કેટલાક લોકોએ બચાવી લીધો હતો. જ્યારે આ પહેલા કોલેજમાં અભ્યાસ કરતી ત્રિકમપુરાની એક યુવતીએ છલાંગ લગાવી કોઈ કારણસર આત્મહત્યાનો પ્રયાસ કર્યો હતો.

संबंधित पोस्ट

સુરત: સુરત એરપોર્ટ પર બિનવારસી લગેજ ટ્રોલીમાંથી રૂ. 67 લાખના 10 સોનાના બિસ્કિટ મળ્યા

Admin

तुनिषा शर्मा खुदकुशी मामला : अदालत में पुलिस ने कहा- “जांच में सहयोग नहीं कर रहा शीज़ान खान”

Admin

गैंगस्टर राजू ठेठ की दनादन गोली मारकर हत्या, हॉस्टल में बच्चे से मिलने आया पिता की भी चपेट में आने से मौत

Admin

अमेठी : प्रधानाध्यपक ने स्कूल में किया युवती का रेप, हुआ निलंबित

Karnavati 24 News

केवल आप बना लें मन, सरकार से मिल जाएगा 90% तक लोन, शहर से ज्यादा गांव तक चलेगा ये बिजनेस.. लाखों की कमाई

Admin

ભેસાણ ના પરિવાર સાથે ઝઘડો કરવા આવેલી યુવતી સહિત 10 સામે ગુનો દાખલ

Admin