ગુડ્સ એન્ડ સર્વિસ ટેક્સ (GST)ના કલેક્શનને લઈને તાજેતરના આંકડા સામે આવ્યા છે. ફેબ્રુઆરી મહિનામાં GSTથી સરકારને 1.49 લાખ કરોડ રૂપિયાની આવક થઈ છે. જાન્યુઆરીની સરખામણીએ આ આંકડો લગભગ 8 લાખ કરોડ ઓછો છે. જો કે સરકારે તેની પાછળનું મુખ્ય કારણ ફેબ્રુઆરીમાં ઓછા દિવસો હોવાનું જણાવ્યું છે. મંત્રાલયે કહ્યું કે ફેબ્રુઆરી મહિનામાં માત્ર 28 દિવસ હોવાને કારણે GST કલેક્શન સામાન્ય રીતે અન્ય મહિનાઓની સરખામણીમાં ઓછું જ હોય છે. બીજી તરફ વાર્ષિક ધોરણે જોવામાં આવે તો ફેબ્રુઆરી 2022ની સરખામણીમાં GST કલેક્શનમાં 12 ટકાનો વધારો થયો છે.
ફેબ્રુઆરી 2023 માટે GST કલેક્શન ડેટા જાહેર કરતાં, નાણા મંત્રાલયે બુધવારે જણાવ્યું કે આ મહિનામાં ટેક્સ તરીકે 11,931 કરોડ રૂપિયાનો સંગ્રહ થયો, જે GST લાગુ થયા પછીનું ઉચ્ચતમ સ્તર છે. જોકે, જાન્યુઆરીની સરખામણીએ ફેબ્રુઆરીમાં જીએસટીની આવકમાં ઘટાડો નોંધાયો છે. જાન્યુઆરી, 2023માં 1.57 લાખ કરોડ રૂપિયાનું ટેક્સ કલેક્શન થયું હતું, જે અત્યાર સુધીનું બીજું સૌથી ઊંચું સ્તર છે.
નાણા મંત્રાલયે એક નિવેદનમાં જણાવ્યું કે, “ફેબ્રુઆરી, 2023માં કુલ GST કલેક્શન 1,49,577 કરોડ રૂપિયા રહ્યું છે. જેમાં સેન્ટ્રલ જીએસટી (સીજીએસટી) કલેક્શન 27,662 કરોડ રૂપિયા છે જ્યારે સ્ટેટ જીએસટી (એસજીએસટી) કલેક્શન 34,915 કરોડ રૂપિયા છે. ઇન્ટિગ્રેટેડ GST (IGST)ના હેડ હેઠળ 75,069 કરોડ રૂપિયા એકત્ર કરવામાં આવ્યા છે. આ સિવાય 11,931 કરોડ રૂપિયાનો ટેક્સ પણ સામેલ છે.”
એપ્રિલ 2022માં બન્યો હતો રેકોર્ડ
ગત વર્ષે એપ્રિલ મહિનો જીએસટી કલેક્શનની દ્રષ્ટિએ શ્રેષ્ઠ રહ્યો હતો. છેલ્લા બે વર્ષથી કોરોનાનો ભોગ બન્યા બાદ એપ્રિલમાં જીએસટી કલેક્શનનો રેકોર્ડ જોવા મળ્યો. એપ્રિલ, 2022માં એકત્ર થયેલ 1.68 લાખ કરોડ રૂપિયા GSTનું સર્વોચ્ચ સ્તર છે. એક વર્ષ અગાઉના સમાન મહિનામાં જીએસટી કલેક્શન 1.33 લાખ કરોડ રૂપિયા હતું. આ રીતે, ફેબ્રુઆરી 2023માં GST કલેક્શન વાર્ષિક ધોરણે 12 ટકા વધ્યું છે.
