પોરબંદરમાં સોનેરી મેડીકલથી ખાદી ભંડાર સુધી ડીવાઇડર બનાવવાનું કામ 15 માં નાણાપંચ સને 2020-21ની ગ્રાન્ટમાંથી અંદાજિત રૂા. 17.26 લાખના ખર્ચે નિયત ઇ-ટેન્ડરીંગ પ્રક્રિયા હાથ ધરી કોન્ટ્રાકટર દ્વારા આ કામ ચાલુ કરવા માંગતા હોય, આ રોડની અંદર ટ્રાફીક સમસ્યા ખૂબ ઉદભવી શકે તેમ હોય, જેથી આ કામગીરી કરવા માટે આ રસ્તો બંધ કરવાની જરૂરીયાત હોય, આ કામગીરી દરમ્યાન જૂના ડીવાઇડરને દૂર કરી ત્યાં નવુ ડીવાઇડર બનાવવાનું તથા ઇલેકટ્રીકના પોલ તથા સ્ટ્રીટ લાઇટ ફીટ કરવામાં આવશે. આ બાબતે લેડી હોસ્પીટલ વાળો રસ્તો, નવયુગ હાઇસ્કુલ વાળો રસ્તો અને જુના ફુવારા થઇ રેલ્વે સ્ટેશન થઇ એસ.વી.પી.રોડ પર ડાયવર્ઝન તરીકે ઉપયોગ કરી શકાય તેમ છે અને ટ્રાફીક સમસ્યાનું નિવારણ કરી શકાય તેમ છે, જેથી આ બાબત ધ્યાને લઇ દિવસ 30 માટે રસ્તા ડાઇવર્ઝન માટે જાહેરનામું બહાર પાડવા દરખાસ્ત થઇ છે.
જેથી અધિક જિલ્લા મેજીસ્ટ્રેટ એમ.કે.જોષીએ જાહેરનામું બહાર પાડી, સોનેરી મેડીકલ થી ખાદી ભંડાર સુધી ડીવાઇડર બનાવવાનું હોય જેથી સોનેરી મેડીકલથી ખાદી ભંડાર સુધીના રસ્તા માટે વાહનોની અવર જવર કરવા પર પ્રતિબંધ ફરમાવ્યો છે.
અન વાહનોએ લેડી હોસ્પીટલ વાળો રસ્તો, નવયુગ હાઇસ્કુલ વાળો રસ્તો અને જુના ફુવારા થઇ રેલ્વે સ્ટેશન થઇ એસ.વી.પી. રોડ જવાનું રહેશે તેવુ જણાવ્યું છે. આ જાહેરનામું તા. 28/02/2023 સુધી અમલમાં રહેશે. આ જાહેરનામાનો ભંગ કરનાર વ્યકિત સજાને પત્ર થશે તેવું જણાવ્યું છે.