ગુજરાત વિધાનસભાની ચૂંટણીમાં ભાજપે આજે 181 ઉમેદવારો જાહેર કરી દીધા છે. બીજા તબક્કા માટે ફોર્મ ભરવાની છેલ્લી તારીખ 17 નવેમ્બર હોવાથી આજે મુખ્યમંત્રી ભૂપેન્દ્ર પટેલએ અમિત શાહ સાથે રોડ શો કરી આજે ઉમેદવારી ફોર્મ ભર્યુ હતું.
ઘાટલોડિયા બેઠક પરથી ઉમેદવારી નોંધાવતા તેમના એફિડેવિટ મુજબ, તેમણે દર્શાવ્યું છે કે તેમની પાસે 8.22 કરોડની જંગમ અને સ્થાવર સંપત્તિ છે. જેમાં જંગમ સંપત્તિ 3.63 કરોડ અને સ્થાવર 4.59 કરોડ છે. તેમની એફીડેવિટ પ્રમાણે તેમની પાસે 8.22 કરોડની સ્થાવર અને જંગમ સંપત્તિ છે.
આજે કેન્દ્રીય ગૃહમંત્રી અમિત શાહની હાજરીમાં મુખ્યમંત્રી ભૂપેન્દ્ર પટેલે ઘાટલોડિયા બેઠક પરથી ઉમેદવારી પત્ર ભર્યું હતું. પ્રભાત ચોકથી સોલા સેન્ટ્રલ ઓફિસ સુધી ભવ્ય રોડ શોનું પણ આયોજન કરવામાં આવ્યું હતું. આ સાથે ભાજપનું શક્તિ પ્રદર્શન પણ જોવા મળ્યું હતું.
ઘાટલોડીયા વિઘાનસભા બેઠક પરથી તેમને દાવેદારી નોંધાવી છે ત્યારે આ બેઠક એ ભાજપનો ગઢ રહી છે. આ બેઠક પરથી ભાજપે બે મુખ્યમંત્રી આપ્યા છે અને તેઓ જ અત્યાર સુધી આ બેઠક પરથી ઉમેદવારી નોંધાવતા આવ્યા છે. મુખ્યમંત્રી ભૂપેન્દ્ર પટેલે આજે 2017 બાદ બીજીવાર દાવેદારી નોંધાવી છે. ઘાટલોડીયા બેઠક પર ગત વખતે પણ સીએમ ભૂપેન્દ્ર પટેલનો ભવ્ય વિજય થયો હતો તેઓ ગત વખતે 1.17 લાખ વોટથી જીત્યા હતા. આજે ભવ્ય રેલીનું આયોજન અને સભાનું આયોજન કરવામાં આવ્યું હતું.
