દાદરા નગર હવેલી પોલીસ ટ્રેનીંગ સેન્ટરમાં આયોજિત આ કાર્યક્રમમાં પોલીસ ટુકડી દ્વારા શહીદોના સન્માનમાં ગાર્ડ ઓફ ઓનરની સલામી આપી હતી. જેમાં DNH દમણ દીવ IG સહીત અન્ય પોલીસ અધિકારી ભાગ લીધો હતો. બાદમાં પુષ્પચક્ર અર્પિત કર્યા બાદ દરેક અધિકારી શહીદ સ્મારક સામે ઉભા રહી પોલીસ બેન્ડ દ્વારા શ્રદ્ધાંજલિ આપવા માટે લાસ્ટ પોસ્ટની ધૂન વગાડવામાં આવી. ત્યારબાદ દરેક પોલીસ અધિકારી શહીદોની યાદમાં બે મીનીટનું મોંન રાખ્યું હતું. બાદમાં દરેક પોલીસ અધિકારી દ્વારા શહીદ સ્મારક પર પુષ્પાંજલિ અર્પિત કરવામાં આવી હતી. આ કાર્યક્રમનો ઉદેશ્ય આજના દિને વર્ષ 1959માં ભારતીય પોલીસ દળની એક ટીમ લડાખ વિસ્તારમાં માતૃભૂમિની રક્ષા કાજે તૈનાત હતી એક પહાડી પર છુપાયેલ ચીની સૈનિકની મોટી ટુકડીએ એમના પર અચાનક આક્રમણ કરી દીધું હતું જેમાં પોલીસ દળના 10 જવાનો મુઠભેડમાં વીરગતિને પ્રાપ્ત થયા હતા. ત્યારથી દર વર્ષે શહીદોની યાદમાં અને સાથે દેશની સેવામાં પ્રાણ ન્યોચ્છાવર કરવાવાળા દરેક પોલીસ કર્મચારીઓને શ્રદ્ધાંજલિ અર્પિત કરવામાં આવે છે. આ કાર્યક્રમમાં દીવ દમણ અને DNH ઇન્ચાર્જ IG, SP, DYSP, SDPO, IPS અધિકારીઓ PI તેમજ દમણ પોલીસના અધિકારી સેલવાસ ફાયર વિભાગના અધિકારી તેમજ પોલીસ વિભાગના અધિકારી અને કર્મચારી ઉપસ્થિત રહ્યા હતા.
