મોરબીમાં ૪૦૦ કરોડના ખર્ચે ઇન્ટરનેશનલ સિરામિક પાર્ક નિર્માણની બજેટમાં જાહેરાત
૪૦૦ કરોડના ખર્ચે સિરામિક પાર્ક, ખેડૂતોને સિંચાઈ
સુવિધા માટે ૪૦ કરોડ અને સ્પોર્ટ્સ સંકુલ પણ મંજુર
આજે રાજ્ય સરકારે વર્ષ ૨૦૨૨-૨૩ નું બજેટ રજુ કર્યું હોય જેમાં મોરબી માટે અનેક ભેટ સોગાદો મળતા મોરબીના સિરામિક ઉદ્યોગમાં ખુશાલી જોવા મળી છે મોરબીમાં ૪૦૦ કરોડના ખર્ચે ઇન્ટરનેશનલ સિરામિક પાર્ક, ખેડૂતોને સિંચાઈ પાણી મળે તે સુવિધા માટે ૪૦ કરોડ અને જીલ્લા કક્ષાનું સ્પોર્ટ્સ સંકુલ મંજુ કરવામાં આવ્યું છે
મોરબી-માળિયા ના ધારાસભ્ય અને રાજ્ય મંત્રી બ્રિજેશભાઈ મેરજાએ કરેલ રજુઆતને પગલે નાણામંત્રી કનુભાઈ દેસાઈ દ્વારા રજુ કરેલ બજેટમાં મોરબી ખાતે રૂ ૪૦૦ કરોડના ખર્ચે વૈશ્વિક કક્ષાની અદ્યતન અને આધુનિક સુવિધાયુક્ત ઇન્ટરનેશનલ સિરામિક પાર્ક મંજુર કરાયું છે સાથે જ ખેડૂતોની આવક બમણી કરવાની વડાપ્રધાન ની નેમને સાર્થક કરવા બજેટમાં જળ સંપત્તિ વિભાગ માટે રૂ ૫૩૩૯ કરોડની રકમની જોગવાઈ કરાઈ છે જેમાં મોરબી-માળિયા વિસ્તારના સિંચાઈ કામો માટે અંદાજીત ૪૦ કરોડની રકમ આવરી લેવાઈ છે જેથી માળિયા તાલુકાના સિંચાઈ સુવિધાથી વંચિત ગામોને તબક્કા વાર સિંચાઈ સુવિધાનો લાભ મળી રહે તેવી જોગવાઈ કરવામાં આવી છે જે બદલ બ્રિજેશભાઈ મેરજાએ જળ સંપત્તિ મંત્રી, રાજ્યના નાણામંત્રી અને મુખ્યમંત્રીનો આભાર વ્યક્ત કર્યો હતો
