રસિયા અને યુક્રેન વચ્ચે ચાલી રહેલ ઘમાસાણ યુઘ્ધ રોકાવાનું નામ નથી લઈ રહ્યું ત્યારે સમગ્ર વિશ્વની ચિંતામાં વધારો થયો છે. યુધ્ધની સ્થિતિની સીધી અસર અનેક દેશો માં દેખાવાની શરૂ પણ થઈ ગઈ છે જેમાં મહેસાણા નું લોખંડ બજાર પણ બાકાત રહ્યું નથી. સમગ્ર ગુજરાતના તમામ જિલ્લામાં મહેસાણામાંથી લોખંડ સપ્લાય થાય છે ત્યારે યુઘ્ધ ની શરૂઆત થતા લોખંડ ના ભાવમાં તેજી આવતા મંદી નો માહોલ જોવા મળી રહ્યો છે. લોખંડ બજાર મહેસાણામાં 10 દિવસમાં 12 રૂપિયા ના ભાવ વધારાને લઈ વહેપારીઓની ચિંતામાં વધારો થયો છે. લોખંડનો ભાવ 66 થી વધી 78 થઈ જતા મંદી ના માહોલ ની સ્થિતિ જોવા મળી રહી છે. હજુ ભાવ વધશે તેવું વહેપારીઓ ચિંતા સાથે જણાવી રહ્યા છે. સમગ્ર ગુજરાતમાં લોખંડ સપ્લાય થતું હોવાથી વહેપારીઓ ભાવ વધારાને લઈ ચિંતિત થઈ રહ્યા છે અને યુઘ્ધ અટકે તેવી આશા પણ વ્યક્ત કરી રહ્યા છે. જો યુઘ્ધ 10 દિવસ થયા છતાં અટકાવવા ના કોઈ અણસાર વર્તતા નથી ત્યારે હજુ ભાવ વધારો આવવાની ભીતિ સેવી રહ્યા છે.
