Karnavati 24 News
તાજા સમાચાર
ताजा समाचार
રમતગમત

IND vs SA: શાર્દુલ ઠાકુર કહે છે 7 વિકેટ લેવા છતાં મારું સર્વશ્રેષ્ઠ પ્રદર્શન બાકી, ‘તિરાડે’ સફળતા અપાવી

શાર્દુલ ઠાકુરે (Shardul Thakur) જોહાનિસબર્ગ ટેસ્ટ (Johannesburg Test) ની પ્રથમ ઇનિંગમાં લીધી 7 વિકેટ, કર્યું કરિયરનું સર્વશ્રેષ્ઠ પ્રદર્શન
ટીમ ઈન્ડિયાના ફાસ્ટ બોલર શાર્દુલ ઠાકુરે (Shardul Thakur) જોહાનિસબર્ગ ટેસ્ટ (Johannesburg Test) ના બીજા દિવસે પોતાના શાનદાર પ્રદર્શનથી બધાનું દિલ જીતી લીધું. શાર્દુલે દક્ષિણ આફ્રિકા (South Africa) વિરૂદ્ધ પ્રથમ દાવમાં 7 વિકેટ ઝડપી હતી. શાર્દુલે માત્ર 61 રનમાં 7 સફળતા મેળવી હતી અને આ તેની કારકિર્દીનું સર્વશ્રેષ્ઠ પ્રદર્શન છે. ટેસ્ટ ક્રિકેટમાં પ્રથમ વખત પાંચ વિકેટનો હોલ મેળવનાર શાર્દુલે જોહાનિસબર્ગમાં પોતાની સફળતાનું રહસ્ય ફેન્સ સાથે શેર કર્યું હતું. સાથે જ તેણે એમ પણ કહ્યું કે તેનું શ્રેષ્ઠ પ્રદર્શન હજુ આવવાનું બાકી છે.

શાર્દુલ ઠાકુરે બીજા દિવસની રમત સમાપ્ત થયા બાદ મીડિયાને જણાવ્યું હતું કે તેણે પિચમાં તિરાડ જોઈ હતી જ્યાંથી બોલિંગ કરતી વખતે બોલ ઉપર-નીચે જઈ રહ્યો હતો. બસ તેણે તે જ જગ્યાએ બોલ ફેંકવાનો પ્રયાસ કર્યો અને તેથી જ આ ઝડપી બોલરને સફળતા મળી.

ઠાકુરે કહ્યું, ‘જ્યારે મેં બોલિંગ શરૂ કરી, ત્યારે મેં જોયું કે પિચમાં એક એવી જગ્યા હતી જ્યાંથી બોલ ઉપર અને નીચે બંને તરફ જઈ રહ્યો હતો. હું એ જ લેન્થ પર બોલિંગ કરતો હતો અને ત્યાંથી બોલ જમણા હાથના બેટ્સમેન માટે અંદરની તરફ આવતો હતો.

જોહાનિસબર્ગમાં ટીમ ઈન્ડિયા હજુ પણ ફેવરિટ નથીઃ શાર્દુલ
શાર્દુલ ઠાકુરે કહ્યું કે સેન્ચુરિયનની જેમ જોહાનિસબર્ગમાં પણ ફાસ્ટ બોલરોને ઘણો સપોર્ટ છે અને અહીં સારી લાઇન-લેન્થ પર બોલિંગ કરવી મહત્વપૂર્ણ છે. જોકે, શાર્દુલ ઠાકુરે કહ્યું કે ટીમ ઈન્ડિયા હજુ પણ જોહાનિસબર્ગમાં જીતવા માટે ફેવરિટ નથી. ઠાકુરે કહ્યું, ‘મેચની વર્તમાન સ્થિતિ થોડી જટિલ છે. જો અમે બીજી ઇનિંગમાં દક્ષિણ આફ્રિકાને મોટો ટાર્ગેટ આપીએ તો સારું રહેશે. કારણ કે મેચમાં હજુ બે દિવસ બાકી છે અને આ પીચ બેટિંગ માટે બિલકુલ સરળ નથી. ટીમના દૃષ્ટિકોણથી અમારે મોટો સ્કોર કરવાનો છે.

હજુ શ્રેષ્ઠ પ્રદર્શન આવવાનું બાકી છે: શાર્દુલ
જોહાનિસબર્ગ ટેસ્ટમાં 7 વિકેટ લઈને શાર્દુલ ઠાકુરે ઈતિહાસ રચ્યો હતો. તે પ્રથમ એશિયન બોલર છે જેણે દક્ષિણ આફ્રિકામાં આટલી સારી બોલિંગ કરી હોય. જોકે, શાર્દુલને લાગે છે કે તેનું શ્રેષ્ઠ પ્રદર્શન હજુ આવવાનું બાકી છે.

આગળ શાર્દુલે કહ્યું, ‘આ મારા કરિયરનું સર્વશ્રેષ્ઠ પ્રદર્શન છે પરંતુ મને લાગે છે કે સર્વશ્રેષ્ઠ હજુ આવવાનું બાકી છે. તમને જણાવી દઈએ કે શાર્દુલ ઠાકુરે રમતના બીજા દિવસે રમતને સંપૂર્ણપણે ફેરવી નાખી. દક્ષિણ આફ્રિકા તરફથી શાર્દુલે તેની પ્રથમ 5 ઓવરમાં 3 વિકેટ ઝડપી હતી. તેણે દક્ષિણ આફ્રિકા માટે મોટી ભાગીદારી ન બનવા દીધી અને અંતે 7 વિકેટ લઈને પોતાની તાકાત બતાવી.

संबंधित पोस्ट

એશિયા કપ 2022ની ફાઈનલ બાદ સોશિયલ મીડિયા પર મિસ્ટ્રી ગર્લ, ચાહકોએ કહ્યું- આ માટે માત્ર મેચ જોઈ

Karnavati 24 News

આજે કરો યા મરો નો મુકાબલો,ભારત Vs શ્રીલંકા સાંજે 7.30 વાગે,ભારત આજના મુકાબલામાં ફેવરિટ

Karnavati 24 News

ઝૂલન ગોસ્વામીની અંતિમ મેચમાં કેપ્ટન હરમન ભાવુક થઇ, લૉર્ડ્સના મેદાન પર ક્રિકેટરની શાનદાર વિદાય

ઈંગ્લેન્ડઃ આગળનો તીરંદાજ કાયમ માટે જવાબદારી સંભાળશે તો લાંબો સમય ક્રિકેટથી દૂર રહેશે, જાણો

Karnavati 24 News

સુરતમાં ચેસ ઓલમ્પિયાડ મસાલના આગમન સાથે શતરંજમા એક વિશ્વ વિક્રમ બન્યો

Karnavati 24 News

અમદાવાદમાં 29મી સપ્ટેમ્બરથી નેશનલ ગેમ્સ શરૂ થશે, વડાપ્રધાન નરેન્દ્ર મોદી નેશનલ ગેમ્સનું ઉદ્ઘાટન કરશે

Karnavati 24 News