આણંદ જિલ્લામાં બીજા તબક્કાનું મતદાન થવા જઈ રહ્યું છે. ત્યારે મતદાનને ધ્યાનમાં રાખીને તૈયારીઓ ચૂંટણી પંચ દ્વારા તેજ કરી દેવામાં આવી છે ત્યારે ગ્રામ્યમાં શહેરી વિસ્તારોની સરખામણીઓ મતદાન મથકો વધુ છે. આણંદ જિલ્લામાં કુલ 1810 મતદાન મથકોમાંથી 465 શહેરી વિસ્તારમાં અને 1345 ગ્રામ્ય વિસ્તારમાં છે.
આણંદ જિલ્લાની અંદર 7 વિધાનસભા બેઠકો છે જેમાં કુલ 1,810 મતદાન મથકો ઉભા કરવામાં આવ્યા છે. જેમાંથી 465 મતદાન મથકો શહેરી વિસ્તારોમાં અને 1345 મતદાન મથકો ગ્રામ્ય વિસ્તારમાં આવેલા છે. પ્રથમ તબક્કામાં દક્ષિણ ગુજરાત, સૌરાષ્ટ્રમાં અપેક્ષાની સરખામણીએ નિરાશાજન મતદાન જોવા મળ્યું છે. ત્યારે ઉત્તર ગુજરાત અને મધ્યગુજરાત પર સૌ કોઈની દ્રષ્ટી છે. ત્યારે ભાજપ માટે મધ્ય ગુજરાત દર વખતે ફળે છે ત્યારે આ વખતે નેતાઓ પણ સાવધ બન્યા છે અને વધુ મતદાનને લઈને આશા રાખી રહ્યા છે.
આણંદ વિધાનસભા વિસ્તારો પણ મહત્વના છે. આ મતદાન મથકોમાં શહેરી વિસ્તારમાં 67 મતદાન મથકો અને ખંભાત વિધાનસભા મત વિસ્તારમાં છે જ્યારે ખંભાત ગ્રામ્ય વિસ્તારમાં 173 મતદાન મથકો છે. બોરસદ વિધાનસભા મત વિસ્તારમાં 48 અને ગ્રામ્ય વિસ્તારમાં 216 મળી મથકો છે. આંકલાવ વિધાનસભા મતવિસ્તારમાં, શહેરી વિસ્તારોમાં 16 અને ગ્રામ્ય વિસ્તારોમાં 226 મતદાન મથકો બનાવવામાં આવ્યા છે.
આણંદ વિધાનસભા મત વિસ્તારમાં 301 મતદાન મથકો પૈકી 214 શહેરી વિસ્તારમાં અને 87 ગ્રામ્ય વિસ્તારમાં, પેટલાદ વિધાનસભા મત વિસ્તારમાં 239 મતદાન મથકો પૈકી 43 મતદાન મથકો શહેરી વિસ્તારમાં અને 196 મતદાન મથકો અને સોજીત્રા વિધાનસભા મત વિસ્તારમાં 196 મતદાન મથકો છે. જેમાં 13 મતદાન મથકો શહેરી વિસ્તારોમાં જ્યારે ગ્રામ્ય વિસ્તારોમાં 222 મતદાન મથકો ઉભા કરવામાં આવ્યા છે.
