કપડવંજમાં કન્ટેનર ડીપી સાથે અથડાતાં 10 કલાક અંધારપટ બ્રેક ન લાગ્યાની દલીલ, ડ્રાઇવર અને ક્લીનરનો બચાવ કપડવંજ શહેરના દાણા રોડ પર આવેલ શિવસદન કોમ્પ્લેક્સમાં વહેલી સવારે રિયલ નમકીનના ગોડાઉન પર નડિયાદથી રીયલ નમકીન ભરેલું ટ્રક કન્ટેનર માલ ખાલી કરવા માટે આવ્યું હતું. ત્યારે માલ ખાલી કર્યા બાદ કન્ટેનર આગળ ખસેડવા જતા કન્ટેનરને બ્રેક આવી ન આવતા કન્ટેનર વીજ ડીપી સાથે ધડાકાભેર અથડાયું હતું. જેને કારણે ટ્રક કન્ટેનર વીજ ડી.પી સાથે ધડાકાભેર અથડાવવાને કારણે નીચે પડ્યું હતું. સદનસીબે કન્ટેનર ચલાવતા ટ્રક ડ્રાઇવરનો તેમજ કન્ટેનરમાં પાછળના ભાગે રહેલ ક્લીનરનો આબાદ બચાવ થયો હતો. ઘટનાને પગલે લોકોના ટોળા ટોળા ઘટના સ્થળ પર ઉમટી પડ્યા હતા. કન્ટેનરમાં ફસાયેલ ટ્રક ડ્રાઈવરે સમયસૂચકતા વાપરી ટ્રક કન્ટેનર વીજ ડીપીએ અથડાયા બાદ કન્ટેનરમાંથી કૂદકો મારી નીચે ઉતરી જતા તેનો આબાદ બચાવ થયો હતો. આ બાબતે ટ્રક ડ્રાઇવરને પૂછતા તેણે જણાવ્યું હતું કે બ્રેક મારતી સમયે એર ભરાઈ ન હતી જેથી કન્ટેનર સીધું વીજડીપી સાથે અથડાયું હતું. અકસ્માતને પગલે વિસ્તારમાં 10 કલાક સુધી અંધારપટ છવાયો હતો.