ભાવનગર સીજીએસટી ટીમ દ્વારા બોગસ બિલિંગ કાંડમાં ફારૂક હુસૈન મન્સૂરીની ધરપકડ કરી જેલહવાલે કરાયો છે. ફારૂકની આગવી ઢબે કરાયેલી પુછપરછમાં અનેક રહસ્યો પરથી પડદો ઉંચકાયો છે અને આગામી સમયમાં સંખ્યાબંધ લોકો સામે કાર્યવાહીના સંકેતો સાંપડ્યા છે. નવાપરામાં હુમલા પ્રકરણમાં કોર્ટ તરફથી જામીન મળ્યા બાદ ફારૂક હુસૈન મન્સૂરી સહિત 7ને સમન્સના આધારે સીજીએસટીની ટુકડી પુછપરછ માટે લાવી હતી. આગવી ઢબે આખી રાત કરાયેલી પુછપરછમાં બોગસ બિલિંગ પ્રકરણમાં ફારૂકની સંડોવણી જણાઇ આવી હતી.તપાસમાં કૌભાંડ ખુલ્યુ:મહારાષ્ટ્રમાં 5 પેઢી રજીસ્ટર કરાવી કરોડોના બિલ ચિતર્યા ભાવનગર9 કલાક પહેલા ફારૂક મન્સૂરીની તપાસમાં હાલારી જૂથનું કૌભાંડ ખુલ્યુ તંત્ર દ્વારા 5 પેઢીઓ બાબતે મહારાષ્ટ્રમાં પણ તપાસનો દોર લંબાવવામાં આવશે ભાવનગર સીજીએસટી ટીમ દ્વારા બોગસ બિલિંગ કાંડમાં ફારૂક હુસૈન મન્સૂરીની ધરપકડ કરી જેલહવાલે કરાયો છે. ફારૂકની આગવી ઢબે કરાયેલી પુછપરછમાં અનેક રહસ્યો પરથી પડદો ઉંચકાયો છે અને આગામી સમયમાં સંખ્યાબંધ લોકો સામે કાર્યવાહીના સંકેતો સાંપડ્યા છે. નવાપરામાં હુમલા પ્રકરણમાં કોર્ટ તરફથી જામીન મળ્યા બાદ ફારૂક હુસૈન મન્સૂરી સહિત 7ને સમન્સના આધારે સીજીએસટીની ટુકડી પુછપરછ માટે લાવી હતી. આગવી ઢબે આખી રાત કરાયેલી પુછપરછમાં બોગસ બિલિંગ પ્રકરણમાં ફારૂકની સંડોવણી જણાઇ આવી હતી. સીજીએસટી પ્રીવેન્ટિવ ટીમ સમક્ષ ફારૂક મન્સૂરીએ વટાણા વેરી નાંખ્યા છે. મુંબઇ સહિત મહારાષ્ટ્રમાં 5 પેઢીઓના બોગસ રજીસ્ટ્રેશન કરાવાયાનું નવાપરાના મહેક એપાર્ટમેન્ટના ફ્લેટ નં.321માં મળી આવેલા દસ્તાવેજો પરથી ફલીત થયુ છે, જેના અંગે ફારૂકે કબૂલાત પણ આપી હતી. 5 પેઢીઓ બાબતે મહારાષ્ટ્રમાં પણ તપાસ લંબાવવામાં આવનાર છે. સીજીએસટી ટુકડીની પુછપરછ દરમિયાન ભાવનગરના હજુ પણ અન્ય લોકો બોગસ બિલિંગ કૌભાંડમાં સામેલ હોવાની વિગતો સપાટી પર આવી છે. સીજીએસટી ટીમ દ્વારા બોગસ બિલિંગ પ્રકરણમાં ફારૂક મન્સૂરીની ધરપકડ કરી જેલહવાલે કરાયો છે, બાકીના 6ની સીધી સંડોવણી નહીં હોવાથી પુછપરછ બાદ જવા દેવાયા છે, પરંતુ તે પૈકી 2ને સરકારી બાતમીદારની કામગીરી સોંપવામાં આવી હોવાનું પણ જાણવા મળેલ છે.