મોટાભાગની કંપનીઓના સ્માર્ટફોન 3.5mm હેડફોન જેક વગર આવી રહ્યા છે. અને બીજી તરફ વાયરવાળા ઈયરફોન પણ લોન્ચ થઈ રહ્યા છે. ત્યારે OnePlusએ ભારતીય બજારમાં તેનો ઓડિયો પોર્ટફોલિયો વિસ્તારીને OnePlus Nord Wired લોન્ચ કર્યું છે. OnePlus Nord શ્રેણીમાં આ એક નવો સભ્ય છે. OnePlus Nord Wired સાથે 3.5mm જેક છે. OnePlus Nord Wired થોડા દિવસો પહેલા Amazon India પર લિસ્ટ કરવામાં આવ્યું હતું. OnePlus Nord Wired ની કિંમત 799 રૂપિયા છે અને તેનું વેચાણ 1 સપ્ટેમ્બરથી શરૂ થશે.
OnePlus Nord Wiredને કંપનીએ તેના Type-C પોર્ટ વાયર્ડ ઇયરફોન લોન્ચ કર્યા પછી તરત જ રજૂ કર્યું છે. હાલમાં, માર્કેટમાં માત્ર 3.5mm જેકવાળા એન્ટ્રી લેવલ ફોન જ બચ્યા છે. OnePlus એ પોતે OnePlus 6T માંથી હેડફોન જેકને દૂર કરવાનું શરૂ કર્યું, જો કે OnePlus Nord CE, OnePlus Nord CE 2 અને OnePlus Nord CE 2 Lite જેવા ફોનમાં હેડફોન જેક છે.
OnePlus Nord Wired પાસે 9.2mm ડ્રાઇવર છે જેની સંવેદનશીલતા 110±2dB છે. તેનું ધ્વનિ દબાણ 102dB છે. OnePlus Nord Wired એ ઇન-ઇયર સ્ટાઇલ ડિઝાઇન સાથેનો ઇયરફોન છે. આ સાથે ત્રણ સિલિકોન ટિપ્સ પણ મળશે.
ઓડિયો કંટ્રોલ માટે OnePlus Nord Wiredમાં બટન્સ પણ આપવામાં આવ્યા છે. આ ઇયરફોનને વોટર રેઝિસ્ટન્ટ માટે IPX4 રેટિંગ પણ મળ્યું છે. અગાઉના વર્ઝનની જેમ વનપ્લસ નોર્ડ વાયર્ડના બડ્સમાં પણ મેગ્નેટ આપવામાં આવ્યા છે.
