જામનગર માં નવાગામ ઘેડ મધુવન સોસાયટી વિસ્તાર માં રહેતા એક શખ્સ ના ભાડા ના મકાન માં ઘોડીપાષાની મીની કલબ ચલાવવા માં આવતી હોવાની બાતમીના આધારે સિટી બી. ડિવિઝન પોલીસે દરોડો પાડી, મકાન માલિક સહિત આઠ શખ્સોની ધરપકડ કરી લઈ જુગાર નું સાહિત્ય કબજે કર્યું છે. જામનગર માં નવાગામ ઘેડ મધુવન સોસાયટી શેરી નંબર 4માં રહેતા વિશાલ ઉર્ફે ટોપી કાનજીભાઈ રાઠોડ દ્વારા એક ભાડાનું મકાન મેળવીને તેમાં ઘોડીપાસાની મીની ક્લબ ચલાવવામાં આવી રહી હોવાની બાતમી જામનગરના સીટી બી. ડિવિઝન પોલીસ સ્ટેશનના સ્ટાફને મળી હતી, જેથી ગઈ રાત્રે ઉપરોક્ત રહેણાંક મકાન પર દરોડો પાડતાં આઠ શખ્સો ઘોડીપાસા વડે જુગાર રમી રહેલા મળી આવ્યા હતા. આથી પોલીસે જુગારની કલબ ચલાવનાર વિશાલ ઉર્ફે ટોપી કાનજી રાઠોડ, ઉપરાંત હરીશ જયંતીભાઈ ઝાલા મનીષ સુરેશભાઈ મકવાણા, કમલેશ જગદીશભાઈ ખારવા, નીતિન દેવજીભાઈ ડગરા, વિજય વાલજીભાઈ પરમાર, પ્રતાપભાઈ ભરતભાઈ પરમાર, અને હસન હાજીભાઈ આંબલીયા ની અટકાયત કરી લઈ તેઓ પાસેથી રૂપિયા 1 લાખ 28 હજારની માલમતા કબજે કરી છે.