શહેરના રિંગરોડ સ્થિત સબજેલની જમીન ઉપર પાલિકાના નવા વહીવટી ભવનને રાજ્ય સરકારે મંજૂરીની મ્હોર મારી
સુરત શહેરમાં રાજ્યની સૌથી ઊંચી સરકારી ઇમારત બનાવવાનો માર્ગ મોકળો થયો છે. પાલિકાના નવા આઇકોનિક વહીવટ ભવનની ડિઝાઇનને રાજ્ય સરકાર દ્વારા નિયુક્ત સ્પેશ્યલ ટેકનિકલ કમિટી (STC) દ્વારા શુક્રવારે ગ્રીન સિગ્નલ અપાયું હતું. પાલિકાના નવા આઇકોનિક બિલ્ડિંગની ડિઝાઇનને મંજૂરની મ્હોર મારતા પહેલા તમામ બાબતોનો પુખ્ત વિચાર કરવામાં આવ્યો છે. ચોક્કસ ટેકનિકલ બાબતોની પૂર્તતા કરવા વિગતવાર ચર્ચા કરવામાં આવી હતી. આ બાબતે અત્યાર સુધી ગાંધીનગર ખાતે યોજાયેલી વિવિધ બેઠકોમાં ઉપસ્થિત મ્યુ. કમિશનર બંછાનિધિ પાની તથા બિલ્ડિંગનું સ્ટ્રક્ચર ડિઝાઇન કરનારા ઝ્રસ્ડ્ઢ કન્સલટન્ટ દ્વારા તમામ બાબતોનો વિસ્તૃત અને ઊંડાણપૂર્વકનો જવાબ રજૂ કરવામાં આવ્યો હતો. તમામ તૂટીઓ કહો કે ક્વેરીઓ ગત સપ્તાહે જ પૂર્ણ થઇ હતી. સ્પેશ્યલ ટેક્નિકલ કમિટી દ્વારા આગામી તા. 8મી જુલાઇના રોજ પાલિકાના આઇકોનિક ભવનને મુદ્દે ફાઇનલ બેઠક બોલાવી છે.
