રાજકોટ
રાજકોટ જિલ્લાના ધોરાજીમાં આકસ્મિક રીતે બે ઊભેલી કારમાં અચાનક લાગી આગ લાગી જતાં અફરાતફરીનો માહોલ સર્જાયો. સમગ્ર ઘટના અંગેની જાણ ધોરાજી નગરપાલિકા તથા ફાયર વિભાગની ટીમને થતાં તરત જ ફાયર વિભાગનો કાફલો તથા નગરપાલિકાની ટીમ ઘટના સ્થળે દોડી આવી હતી, અને આગને કાબુમાં લેવાના પ્રયત્નો કરવામાં આવ્યા હતા.
આગ લાગવાની આ ઘટના ધોરાજીના જમનાવડ રોડ પર લેઉઆ પટેલ સમાજ નજીક બની. આ ઘટના બનતા અફરાતફરી મચી જતાં લોકોના ટોળા એકઠા થઈ ગયા હતા. મળતી માહિતી અનુસાર, લગ્ન પ્રસંગ દરમ્યાન ફોડવામાં આવેલ ફટાકડાના તણખા ઊડવાને કારણે આગ લાગી હોવાનું પ્રાથમિક અનુમાન સામે આવ્યું છે.
આ ઘટનામાં એક ઈનોવા કાર અને એક વેગેનાર કારમાં આગ લાગી હોવાનું સામે આવ્યું છે. ઘટના બાદ ફાયર ટીમે તુરંત ઘટના સ્થળ પણ પહોંચી આગ પર કાબુ મેળવ્યો હતો. આ ઘટનામાં કોઈ પણ પ્રકારની જાનહાનિ સામે આવી નથી, પરંતુ, આગની આ ઘટનામાં બન્ને કારમાં ભારે નુકસાની થવા પામી છે. બંને ગાડીઓ મહદઅંશે સળગી જતાં કેટલું નુકસાન થયું છે, તેનું અનુમાન લગાવી શકવું શક્ય નથી.
