EPFO Scheme: પીએફ ખાતાધારકો (PF Account Holder) માટે સારા સમાચાર સામે આવ્યા છે. કારણ કે ઈપીએફઓ (EPFO) ઓછી આવક ધરાવતા લોકો માટે પણ એક શાનદાર સ્કીમ લઈને આવ્યું છે. નાની બચત યોજનામાં રોકાણ કરતા લોકો પણ કરોડપતિ બનવાનું સપનું જોઈ શકે છે. પીપીએફ (PPF) ની આ સ્કીમ સબસ્ક્રાઈબર્સને 100 ટકા સારું રિટર્ન આપે છે. આપને જણાવી દઈએ કે, હાલમાં પબ્લિક પ્રોવિડન્ટ એકાઉન્ટ પર 8.1%ના દરે વ્યાજ મળી રહ્યું છે. પરંતુ જો તમે નિવૃત્તિ સુધી ધીરજ રાખી શકો તો આ નાની રકમ તમને 1 કરોડ સુધી આપી શકે છે.
આ છે ગણિત
વેલ્થ મેનેજમેન્ટ, ટ્રાન્સસેન્ડ કન્સલ્ટન્ટ્સના ડાયરેક્ટર કાર્તિક ઝવેરીના જણાવ્યા મુજબ, PPF એકાઉન્ટ મેચ્યોરિટી વર્ષ દરમિયાન ફોર્મ 16-H સબમિટ કરીને PPF એકાઉન્ટને પાંચ વર્ષના બ્લોકમાં વધારી શકાય છે. પીપીએફ ખાતાના વિસ્તરણ માટે તેને વધુ પાંચ વર્ષ માટે વધારી શકાય છે. એટલે કે, આ ફોર્મ 15મા, 20મા, 25મા વર્ષે ઉપયોગી છે, આ ફોર્મ ભરીને તમે 30 વર્ષ માટે પીપીએફ (PPF) માં રૂપિયા જમા કરાવી શકો છો. જે તમારી વૃદ્ધાવસ્થાને સંવારી દેશે. કારણ કે આ નાની રકમ તમને 30 વર્ષ પછી કરોડોમાં મળશે.
આ પણ મળે છે લાભ
આપને જણાવી દઈએ કે, EPFO માં રોકાણ કરવાથી તમને તમારા રૂપિયા અને વ્યાજ તો મળે જ છે, પરંતુ તમને બીજી ઘણી સુવિધાઓ પણ આપવામાં આવે છે. જો કે, મોટાભાગના ગ્રાહકો સુવિધાઓનો લાભ લઈ શકતા નથી. જાણકારી અનુસાર દરેક ખાતાધારકોને હેલ્થ ઈન્સ્યોરન્સ, બોનસ અને એડવાન્સની સુવિધા પણ આપવામાં આવે છે. સભ્યને 50 હજાર રૂપિયાનું વધારાનું બોનસ પણ આપવામાં આવે છે. 7 લાખનો વીમો લેવાની પણ જોગવાઈ છે. જો કે, આ સુવિધાઓનો લાભ લેવા માટે તમારે ઘણી શરતો પૂરી કરવી પડશે.
