સનરાઇઝર્સ હૈદરાબાદે પંજાબ કિંગ્સને 8 વિકેટે હરાવ્યું. સનરાઇઝર્સ હૈદરાબાદને જીતવા માટે 144 રનનો ટાર્ગેટ હતો. સનરાઇઝર્સ હૈદરાબાદે 2 વિકેટે 145 રન બનાવીને મેચ જીતી લીધી હતી. આ રીતે સનરાઇઝર્સ હૈદરાબાદે સિઝનની પોતાની પ્રથમ જીત નોંધાવી હતી. આ સાથે જ શિખર ધવનની ટીમને હારનો સામનો કરવો પડ્યો હતો.
પંજાબ કિંગ્સના બેટ્સમેનોનો ફ્લોપ શો
ટોસ હાર્યા બાદ પ્રથમ બેટિંગ કરવા ઉતરેલી પંજાબ કિંગ્સની ટીમ 20 ઓવરમાં 9 વિકેટે 143 રન જ બનાવી શકી હતી. જોકે, પંજાબ કિંગ્સના કેપ્ટન શિખર ધવને અણનમ 99 રન બનાવ્યા હતા, પરંતુ બાકીના બેટ્સમેનોનો સાથ મળ્યો નહોતો. શિખર ધવને 66 બોલમાં 99 રન બનાવ્યા હતા. તેણે પોતાની ઇનિંગમાં 12 ફોર અને 5 સિક્સર ફટકારી હતી.
સનરાઇઝર્સ હૈદરાબાદની શાનદાર બોલિંગ
સનરાઇઝર્સ હૈદરાબાદના બોલરોએ શાનદાર બોલિંગ પ્રદર્શન કર્યું હતું. ખાસ કરીને સ્પિનર મયંક માર્કંડે.આ બોલરે 4 ઓવરમાં 15 રન આપીને 4 ખેલાડીઓને આઉટ કર્યા હતા. આ સિવાય માર્કો જોન્સન અને ઉમરાન મલિકને 2-2 સફળતા મળી હતી. જ્યારે ભુવનેશ્વર કુમારે એક વિકેટ પોતાના નામે કરી હતી. જોકે, સનરાઇઝર્સ હૈદરાબાદની ટીમને સિઝનની પ્રથમ જીત મળી હતી.
પંજાબ કિંગ્સના બોલરો વિકેટ લઈ શક્યા ન હતા હતા
પંજાબ કિંગ્સની ટીમ માત્ર 143 રન જ બનાવી શકી હતી. આ રીતે સનરાઇઝર્સ હૈદરાબાદને મેચ જીતવા માટે 144 રન બનાવવાના હતા. આવી સ્થિતિમાં પંજાબ કિંગ્સને નિયમિત અંતરે વિકેટની જરૂર હતી, પરંતુ પંજાબ કિંગ્સના બોલરો તેમ કરી શક્યા નહીં. પંજાબ કિંગ્સના બોલરોએ સનરાઈઝર્સ હૈદરાબાદના 2 ખેલાડીઓને 45 રનમાં આઉટ કરી દીધા હતા, પરંતુ ત્યારબાદ રાહુલ ત્રિપાઠી અને કેપ્ટન એડન માર્કરામે પંજાબ કિંગ્સના બોલરોને કોઈ તક આપી ન હતી. આ રીતે સનરાઈઝર્સ હૈદરાબાદે 17.1 ઓવરમાં 2 વિકેટે 145 રન બનાવીને સિઝનની પ્રથમ જીત નોંધાવી હતી.
