વિમેન્સ પ્રીમિયર લીગ ની પ્રથમ સિઝન માટે સોમવારે ,13 ફેબ્રુઆરી હરાજીનું આયોજન કરવામાં આવ્યું હતું. મુંબઈના Jio વર્લ્ડ કન્વેન્શન સેન્ટરમાં આયોજિત હરાજીમાં 87 ખેલાડીઓ પર સફળ બોલી લગાવવામાં આવી હતી, જેમાં 30 વિદેશી ખેલાડીઓ પણ હતા. ટીમ ઈન્ડિયાની સ્ટાર ઓપનર સ્મૃતિ મંધાના આ હરાજીની સૌથી મોંઘી ખેલાડી હતી. સ્મૃતિ મંધાનાને રોયલ ચેલેન્જર્સ બેંગ્લોર એ 3.4 કરોડ રૂપિયામાં ખરીધી હતી.
સ્મૃતિ મંધાનાને સાઈન કરીને આરસીબીએ 2008ની આઈપીએલ હરાજીની યાદ અપાવી. IPLની તે પ્રથમ સિઝનની હરાજીમાં RCBએ વિરાટ કોહલીને સાઈન કર્યો હતો. જો કે, RCB તરફથી સ્મૃતિ મંધાના અને વિરાટ કોહલીની સાઇન કરવામાં આવી છે તેમાં કેટલીક સમાનતાઓ છે. ચાલો જોઈએ આવી સમાનતાઓ…
1.RCBને બંને ખેલાડીઓમાં ઘણો વિશ્વાસઃ વિરાટ કોહલીને 2008માં મલેશિયામાં અંડર-19 વર્લ્ડ કપ જીત્યા બાદ તરત જ RCBએ સાઈન કરી લીધો હતો. જો કે વિરાટ કોહલીએ ભારત માટે વરિષ્ઠ સ્તરે રમવાનું બાકી હતું, તેમ છતાં વય જૂથ સ્તરે તેના શાનદાર પ્રદર્શનને કારણે આરસીબીને તેની પાસેથી ઘણી આશાઓ હતી. આઈપીએલની શરૂઆતની મેચમાં જ આરસીબીએ વિરાટ કોહલીને પ્લેઈંગ-11માં તક આપી અને તે ત્રીજા સ્થાને બેટિંગ કરવા આવ્યો.
સ્મૃતિ મંધાના પહેલેથી જ મહિલા ક્રિકેટમાં સુપરસ્ટાર છે અને વિશ્વની શ્રેષ્ઠ બેટ્સમેનોમાંની એક છે. સ્મૃતિએ ભારત માટે 193 મેચોમાં ભાગ લીધો છે જેમાં તેના નામે 6000થી વધુ રન છે. જ્યારે ભારતીય ટીમને તેની બેટિંગની સૌથી વધુ જરૂર હોય છે ત્યારે તે ચોક્કસપણે સારું પ્રદર્શન કરે છે. IPLની પ્રથમ સિઝનથી જ વિરાટ RCB માટે શાનદાર રમત બતાવી રહ્યો છે. હવે RCBને મહિલા પ્રીમિયર લીગમાં સ્મૃતિ મંધાના પાસેથી ઘણી આશાઓ હશે.
- બંનેને મળી મોટી કિંમતઃ વિરાટ કોહલીને IPLની પ્રથમ હરાજીમાં 30,000 યુએસ ડોલરમાં ખરીદ્યો હતો. તે સિઝનમાં અંડર-19 ખેલાડી માટે ખર્ચવામાં આવેલી આ સૌથી મોટી રકમ હતી. સ્મૃતિ મંધાનાને પણ ₹3.4 કરોડની જંગી રકમમાં ખરીદવામાં આવી છે અને તે WPLની શરૂઆતની હરાજીમાં સૌથી મોંઘી ખેલાડી છે. RCB 2008ની હરાજીમાં કોહલીને ટીમનો ભાગ બનાવવા માંગતી હતી અને મંધાના વિશે પણ એવું જ કહી શકાય.
- બંનેનો જર્સી નંબર એક સમાનઃ એક મોટો સંયોગ છે કે વિરાટ કોહલી અને સ્મૃતિ મંધાનાની જર્સી નંબર 18 છે. 18 નંબરની જર્સીમાં બંનેએ પોતપોતાની ટીમો માટે શાનદાર પ્રદર્શન કર્યું છે. આ સિઝનમાં વિરાટ કોહલીની સાથે સ્મૃતિ પણ RCB માટે 18 નંબરની જર્સીમાં રમતી જોવા મળશે.
રોયલ ચેલેન્જર્સ બેંગ્લોર IPLમાં એક વખત પણ ટાઈટલ જીતી શક્યું નથી. હવે WPLની પ્રથમ સિઝનમાં RCB ટાઈટલ જીતથી શરૂઆત કરવા ઈચ્છે છે. સ્મૃતિ મંધાના આરસીબીની કેપ્ટનશીપ કરે તેવી પૂરી શક્યતા છે. WPL બાદ IPLની 16મી સિઝનનું આયોજન કરવામાં આવશે, જેમાં વિરાટ કોહલી ફોકસમાં રહેશે.
