ગુજરાતી ફિલ્મોમાં એક નવા જ અંદાજમાં “53મું પાનું” ગુજરાતી ફિલ્મ આવી રહી છે. જેનું ટ્રીઝર આજે લોન્ચ કરવામાં આવ્યું હતું. યુ ટ્યુબ પર રીલીઝ થયેલા આ ટ્રીઝરને ખૂબ જ સારો પ્રતિસાદ મળી રહ્યો છે. ટ્રેલર જોયા બાદ આ ફિલ્મમાં અનેક સસ્પેન્સઓ સામે આવ્યા છે. “મેગ્નેટ મીડિયા ફિલ્મ્સ” તથા “ફિફ્થ વેદા પ્રોડક્શન્સ”ની ફિલ્મના આજે રિલીઝ થયેલ ટ્રીઝર બાદ ટ્રેલર પણ આગામી સમયમાં રીલીઝ થશે પરંતુ ટ્રીઝર જોયા બાદ લોકોને ફિલ્મ જોવાની તાલાવેલી વધારી દીધી છે. ફિલ્મમાં એક સુપર જર્નાલિસ્ટ અને પ્રેમમાં એડવોકેટને એવી પરિસ્થિતિઓમાં બતાવવામાં આવી રહ્યા છે કે જેઓ એક સિસ્ટમ સામે અને વિલનના પડકારને ઝીલી રહ્યા છે. ત્યારે શું તેમને ન્યાય મળશે ખરો? સાથે આ ફિલ્મનું નામ “53મું પાનું” છે પરંતુ ગંજીપાનાની બાજી 52 પાનાની હોય છે. આ ટાઈટલ પરથી જ લાગી રહ્યું છે “53મું પાનું” એટલે શું છે? આ સસ્પેન્સ શું છે. ટ્રીઝર શરુ થતાની સાથે જ લોકો સ્વચ્છ પાણી માટે વિરોધ કરતા જોવા મળ્યા હતા ત્યાં કિંજલ રાજપ્રિયા અને ચેતન દહીયાને નવા જ રુપમાં ટ્રીઝરમાં બતાવવામાં આવ્યા છે. ફિલ્મમાં મુખ્ય ભૂમિકામાં કિંજલ રાજપ્રિયા તથા આર્જવ ત્રિવેદી તથા ચેતન દહીયા તથા મેહુલ બૂચ જોવા મળશે. આ ટ્રીઝર લોન્ચનો કાર્યક્રમ ગાંધી આશ્રમ ખાતે યોજવામાં આવ્યો હતો. જેમાં કિંજલ રાજપ્રિયા અને આર્જવ ત્રિવેદી પ્રમોશનલ ઈવેન્ટમાં હાજર રહ્યા હતા.
