વિધાનસભાની ચૂંટણીઓ પહેલા કોંગ્રેસ ફરી ગત વખતની 2017ની ચૂંટણીઓ ની જેમ આ વખતે પણ દારૂના અડ્ડાઓ પર જઈ જનતા રેડ કરી રહી છે.
વિધાનસભાની ચૂંટણીઓ પહેલા કોંગ્રેસ ફરી ગત વખતની 2017ની ચૂંટણીઓ ની જેમ આ વખતે પણ દારૂના અડ્ડાઓ પર જઈ જનતા રેડ કરી રહી છે. વડોદરામાં યુથ કોંગ્રેસ સક્રીય થઈને શાળા નજીક ચલાવવામાં આવતા દેશી દારુના અડ્ડા પર જઈ રેડ કરી હતી અને મોટ પ્રમાણમાં દારૂ ઝડપી પાડવામાં આવ્યો હતો. આ ઉપરાંત ફરીથી ડ્રાય સ્ટેટ ગુજરાતમાં દારુ સરકારની નાકની નીચેથી વેચાઈ રહયો છે તેવું પ્રસ્થાપિત કર્યું હતું.
ગત વીકમાં જ કોંગ્રેસના ધારાસભ્ય ગેનીબેન ખુદ યુવાનોને સાથે રાખીને બનાસકાંઠામાં જનતા રેડ કરી હતી. જનતા રેડ કરી કોંગ્રેસના ધારાસભ્ય ગેનીબેન ઠાકોરે વિદેશી દારૂ સાથેની બોટલોનો પર્દાફાશ કર્યો હતો. ગત વીકમા પહેલા મોડી રાત્રે યુવાનોને સાથે રાખી બૂટલેગરને ઝડપી પાડયો હતો. વાહન સાથે બુટલેગરને ઝડપી પાડતા તેમાંથી વિદેશી દારૂની બોટલો મળી આવી હતી. દારૂબંધી મામલે ગૃહ વિભાગ સામે ગંભીર આક્ષેપો લગાવ્યા હતા અને સમગ્ર મામલો પોલીસ સ્ટેશન સુધી પહોંચ્યો હતો.
ત્યાર બાદ જનતા રેડમાં સાથે રહેનાર યુવાનોના ઘરેથી 13 બોટલ દારૂ ઝડપાયો છે. પોલીસે બે લોકો સામે લુંટ, ધાડ, પ્રોહિબિશન મામલે ફરિયાદ દાખલ કરી છે. જેથી સમગ્ર મામલો ગરમાયેલો છે.
